2014年2月27日 星期四

快樂的2月

不知不覺2月已經過去,上一篇Blog 都只係去到2月9日........

咁唯有寫一篇總結~~

2月10日,老公前同事黎左我地屋企,送左個熱水壺俾我地,哈哈....從此終於有熱水飲....XD

我地一行6人先去食左泰國菜,6個人終於可以食到咖哩蟹、柚子沙律、串燒、菜、菠蘿飯、炒金邊粉、咖哩牛、蒜容包 X 2、薄餅、冬陰功湯...........

好誇張,多到食極都食唔哂﹗

去完旅行返黎,又繼續我地既密識小家具計劃,

2月19日,行左Ikea,買左個碗架、毛巾.........


2月21日,放工去左Chocolate Shopping,因為買吸塵機又同老公嘈左幾句﹗

我想買一個2XXX 既吸塵機,因為個Filter 好好,唔會噴返D 廢氣出黎,又可以吸床D 塵滿,對老公定鼻敏感可能有幫助......

而老公就覺得雖然2XXX 唔係貴,不過想我考慮返自己負擔能力去買野,唔好下下都想用好,大家觀點角度完全唔同,其實好難傾.......

最後老公話俾我決定同埋買完一埋衫感覺良好,等我試用完再Share 返~~~

 Chocolate Staff Sale 好抵,衫褲5折,家居用品4折,我地買左一套毛巾,大中小都係1XX,2個調味料樽仔、我買左5件衫,老公都買左2件 & 一件褸,加加埋埋好似2000~~~

2月22日,公司活動,忙足一日﹗

2月23日,清潔左屋企一轉,發現真係好大塵,D 塵一舊舊,更加想要部好既吸塵機~~~

  

之後買送煮粥,因為未買電飯煲....XD


是日整左個養生粥、豆豉蒸豬肉、菜心 & 蒸魚~~~

好好味呀,算係我地正式煮既第一餐~~~

2月25日,因為生日,放工去左 Mioggi 中心免費做Facial,好Relax 咁做左個半鐘,環境其實同之前Ingrid Millet 差不多,入去先清潔,不過清潔完佢個Staff 成20分鐘都未有人返,呢樣野真係差D~~

之後就做磨皮,呢個我特別加錢做,$240,上黎坐下都要啦﹗

再之後針清,魚子精華導入,呢個好舒服,係我喜歡既凍凍地,再之後倒模~~

整好哂,當然又Sell 我,但我都不為所動,由Sell 我一萬,到6千,再到1300有3次Facial 我都無理佢,之後好順利咁離開左.........

之後幾日皮膚真係感覺好左,好正,但我都係完左CPS 先再考慮~~


2月27日,同Yvonne 打羽毛球,哈哈,出左小小汗,又再次感覺自己好耐無做運動喇﹗


2014年2月14日 星期五

酒店自助晚餐


睇完日落,因為都肚餓喇,於是我地去左食自助餐~~

餐廳位於Lobby 落一層,食早餐都係同間,不過食物有唔同,我地食完感覺早餐更好.......
 

不同種類沙律,味道不錯﹗


另一邊都係沙律~~


馬來西亞特色食品,唔知道個名,只係將D 野撈埋一齊食~~

都OK 好味~~~


10 多碟熱食,但無咩邊款特別好~~~


搞笑Corner 係意粉同炒飯


芝士~~


墨西哥卷~~


 沙律菜~~~


 甜品~~~


蛋糕~~


面包


 生果

自助餐要有的食物佢都有,不過唔知點解食食下感覺好厭,可能真係無咩邊味感覺好想食多次~~~

同埋我地感覺好奇怪,除左魚無咩其他海鮮﹗

反而早餐好岩口味,可能早上環境、空氣好舒服,野食都感覺正D......

2月14 當晚我地去再望多次個Buffet, 見到有蟹,老公即時好後悔應該調轉2晚餐飯......

聽日繼續全日嘆酒店~~~
 

Sabah Shangrila Rasa Ria


上回提到我地遲左2個鐘飛,第一時間通知Agent,好彩改到接送既車~~

準時3點到,出左閘就見到Perfect Holiday 既人等緊我地,個心即時安落哂,幾驚又Delay......

我地響香港用HKD6025唱左2500 rm,HKD2.41 : 1 RM ,點知黎到呢邊機場個rate 仲靚,HKD2.38: 1RM ,下次響香港唱小小,黎到呢邊先唱~~


經過差不多一小時,我地終於都到達酒店,其實如果唔係第一晚Book 左呢度,我極有可能第2日先飛,一黎到有杯好飲又醒神Welcome Drink同凍毛巾~~

個心即刻開始左放假,好Relax~~


我地就係坐呢個位等酒店做Check in手續,因為我臨飛前一星期轉左房,Ocean Wing 果邊裝修,我地驚嘈,所以轉左返普遍房,諗住慳小小等去歐洲,點知.........大出血~~~


Lobby 後面就係大草地同埋沙灘,望到都興奮,不過當時已經5點幾,開始凍~~~


真心覺得呢度正~~


每位客人一入酒店就會敲一下呢個鑼~~


之後呢度既樂師就會起樂,所以一聽到音樂即係有人客入住........


哈哈,上房第一個驚喜~~

雖然唔係咩值錢野,不過睇到好開心.......

(當然我有同Agent 講係我生日同埋Anniversary)


酒店房個View~~


我地住既樓層~~


酒店驚喜2: 心心朱古力


成間房好大好靚,好舒服~~

老公迷上左床隔離張梳化床,話自己屋企都要有一張~~~


洗手間都好得,咩都有齊~~~


哈哈......換完衫就落沙灘睇日落~~~


今日天氣未算好好,不過現場睇都好靚~~


我地當然又搞下鬼,我老公其實真係一隻不折不扣既孫悟空~~


靚景,點影都靚~~


我地以為日落左就完左,於是行返去酒店果邊!!!


點知日落越落越靚~~~


粉紅+橙,大自然既顏色~~~


沙灘上的餐桌~~~


酒店得獎餐廳,原本想2月14黎食,點知2月14 得D 好貴既Set,最後無食到.........

下次黎一定要食﹗ 

下一篇食自助餐~~

第一次送機尾的奇遇


2014年2月13日,一早6:45 起身,7:45出門口,以為2個幾鐘實無問題,其實我個心都有心急,只係麥生一臉放心的模樣,仲同我講唔洗咁緊張wo........令我想急都急唔黎,但當我地去到摩星岭,開始不知名塞車,我諗果下麥生自己都開始驚,只係又要扮無事﹗

條路係單程,又落住雨,我地真係落車又唔係,響車上等又唔係~~

響車上面我地做左Online Check in,打電話去機場 Air Asia Counter.......

不過當我睇到Expected 起飛時間都知道一定趕唔到,10:05 提早到9:55~~~

最後我地9:55 到左櫃台,當然無得上機,因為我係買超平機票,我都估唔會幫我地.....

Staff 叫我地買過張單程,晚上8點出發去KK,價錢係每位$ 1,477 連稅,加一件20kg行李$115,2位價錢係 $3069

價錢都幾貴,仲要等10個鐘,而我地今日已經去住靚酒店,如果可以真係想早D 過去.......

於是去機場個網,睇到12點HK Express 會有一架機去,價錢係 1980,Tax 240 ,加一件15kg行李$80,$4520,價錢更加貴,不過老公話可以早D 過去抵俾........@@

永遠錢解決到既問題就唔係問題

但當下我個心都有赤赤..........

奇遇係由送機尾開始,就係當我地排緊Air Asia 查詢既時候,有2個同我地一樣遲到既女仔,我地一齊由Air Asia 轉搭HK Express,仲因為個網唔知點解得佢部電話上到,所以我地4個陌生人一齊買左機票!!

再一齊上機,去到KK 之後仲約左出黎一齊食海鮮..........

唔知點解俾錢買過新機票果下個心反而無響車上面咁緊張,咁唔舒服,應該係因為一切都已成定局~~

返到黎我都有問保險Agent,但佢話飛機起飛後個保險先生效,其實我地覺得唔Make Sense,如果去機場果程撞左車呢!!??

成個行程去唔到都唔包,不過我地而家先搵巴士公司提供證據先,我地睇左D 證據先再考慮下一步點做~~

雖然都預左無..........

2014年2月10日 星期一

繼續來我家吧﹗


 2月6返左媽咪度一家人食開年飯,我地劉氏由4 人變到6人,好強呀~~~

假期又係朋友黎我地屋企既時間,星期六同左蘇菲 & 男朋友先去數碼港睇戲,佢地揀左賭場風雲,不過睇完真心覺得麻麻......

老公仲話點解周潤發要接呢D 戲~~~

之後就過左去我地度坐,蘇菲仲帶左蛋糕,Wow........

多謝厚愛~~

阿輝都黎坐左一陣......XD


之後詩韻,又帶左蛋糕,哈哈﹗

我地由8點開始傾,傾到12點先走,老公話搞到人地咁夜,好彩去銅鑼灣,轉小巴一個鐘唔洗返到~~~

星期日就超多地方去,先去老爺度,之後返返新屋,因為我屋企人黎,由3點坐到5點,諗住去食野,不過又落大雨﹗

最後夜晚去左搵老公個姑姐食飯..........

原本我約左Fiona 同 Lok Lok ,不過因為我係被最後通知的那個,所以都無得Say No~~~

不過終於都叫做完成哂D 拜年活動,開開心心等去沙巴.......

到底我個大阪遊仲繼唔繼續打好呢!!???

2014年2月6日 星期四

我的快樂生日2014



又大一歲,哈哈,我提議用它公張Gift Card 去JW Marriott食Dinner Buffet~~

幫佢慳左一大筆,真係好老婆.....

 事前我仲自己打去Book 台,老公打去提酒店係生日飯,所以得到一個小蛋糕~~


一人一邊龍蝦,半隻蟹~~

個蟹蓋真係好好味,好新鮮,又勁多膏.......

其他仲有蝦、螺、青口.......款就比較小,味道OK~~


一人一杯餐飲,Coffee 真係好吸引,不過我杯朱古力就差左D~~

仲食左個沙律,小小刺身,火腿有2款,不過並唔係我地鍾意既味道.......


 之後到熱食,是日無咩胃口,都唔係食到好多,熱食都係食左呢碟,哈哈﹗

Total 2個人食左7碟野,真係好小~~~


試完我覺得名過其實,W Hotel 好好多~~~


不過我都要多謝老公陪我黎試~~

生日其實簡單同自己鍾意既心一齊就夠,愛你~~

2014年2月4日 星期二

朋友上新屋拜年


新年都有安排朋友上黎拜年,話哂第一年派利是,開心Share~~

赤口先有老公一班波友,當晚好勁,Total 15人,我計過連埋Sofa,只係可以最多12人,辛苦其中幾位要企喇........

當晚大家都好客氣,帶左好多朱古力、曲奇餅、鮑魚面上黎,其實真係太客氣,我地得2個人都食唔哂~~

齊人先開左飯先,不過預得太小食物,應該個個都未飽~~

之後開檔,玩到俾人投訴就知我地聲浪幾大.......XD

希望隔離唔好唔鍾意我地啦﹗


大細、魚蝦蟹、百家樂!!!??

煲邊個贏邊個,做莊既就慘左D~~



其實我都係第一次玩,都幾得意呀,變化好多~~


迫爆大合照~~

年初四訓醒執一執返整齊D野,宇珊、男朋友Henry,Ceci, Candy 上左黎拜年,哈哈,又多左幾盒禮,不過真係食唔哂,送左D 俾Candy......

原本老公想去ikea,不過我唔想搭車,於是響附近行左一陣,買左個飯,返到屋企整左個蠟味炒荷蘭豆,年糕做晚餐,哈哈﹗算係新屋第一煮~~

就係咁4天假期順利完結........... 


大年初五係我既農厝生日,是日約左Winnie 同佢男朋友上我屋企,4個人食左3盒壽司,一個炒面、一個炒飯~~

Winnie 帶左支酒黎,大家即刻開黎飲.......


Winnie 又準備左小蛋糕,哈哈﹗

其實我呢幾年願望都係好簡單屋企人朋友身體健康開開心心~~~

下年希望生日可以同媽咪一齊,多謝佢帶我黎呢個世界......

我其實已經好幸運好幸福,知足常樂