2013年9月28日 星期六

退貨 Zalora


中秋前一日收到另外2對鞋,發現其中一對個頭有幾點污積,於是過克中秋我就Email 左上面張相去Zalora 要求換貨~~

我夜晚7點半SEND 估唔到個幾鐘後就得到回覆,因為無貸佢地會安排退款,正常退款應該要羅對鞋去佢公司辦事處,不過佢主動話安排Courier 黎收,仲好快日當後就黎左我公司收喇﹗

收左之後又隔左2日,佢就Email 話收到對鞋,會好快過返錢落去我Credit Card~

我唔講佢D茬好唔好著,今時今日咁既服務態度去邊度搵﹗

如果你收到貨佢係有任何唔滿意都可以退,我諗我會繼續 "幫襯" ....XD

2013年9月25日 星期三

天.兔


早幾日已經知道左星期日會打風,仲講到個風好勁,搞到又無得去街,我真係好驚落雨去街,決定買小小送返屋企整~~~

點知打風前真係好難買野,咩都俾人搶購一空,好誇張﹗

於是用雪櫃物資整左個晚餐~~


J 食完媽咪個肉餅覺得好好食,於是就自己試左整﹗

結果係失敗既,我地先用刀 "石朵" 下D 免治肉,加左鹹蛋同炸菜絲,不過蒸出黎無味,得黎又好怪......

媽咪既係入哂味,又多汁,肉有梅菜鹹味,總之好食好多,我地要再努力下~~


打風前一早去超市終於買到2棵菜,仲煎左 肉餅,煎入味D,同埋香好多~~

J好有心機咁想整個冬瓜鐘,點知煮得太耐變左冬瓜湯,原來冬瓜煮半個鐘左右就OK 嫁喇~~

入面超多料、蠔、蟹柳、花甲肉、蝦乾、金菇、當然仲有冬瓜,好飲

2013年9月23日 星期一

名瞞戅族


3 日假期不過遇著打風都無咩好做,睇左套笑片﹗

其實係J 話想睇,我都係陪睇,荷里活式既笑片,講真我唔多識欣賞~~


4個原本完全無關係既人要組成一個FAMILY,偷運毒品~~

睇住佢地既改變,真係感覺一個 "家" 真係得來不易。

好彩我一早已經知道家人既重要性

雖然我成日都唔響佢地身邊,不過我知爸爸佢知我好錫佢~~


Photos copy from Yahoo

2013年9月21日 星期六

2013 中秋









婚後第一個中秋節,其實我都有煩惱要唔要以心抱身份買D 野俾奶奶,如果買又要買埋婆婆、舅母............

不過如果咩都唔買好似唔多好~~~

最後媽咪幫我準備左D 生果,有一個沙田柚、一堆橙 & 蘋果......

永遠都係媽咪對我最好﹗

中秋前已經同媽咪佢地食左,當晚就同J 屋企人食,灣仔大榮萍,感覺上無元朗咁好味~~

之後老公帶左我去維園睇舞火龍,真係好多人呀,不過感覺都幾特意,下年去大坑睇先~~



















屋企飯真係永遠都係最好味﹗

2013年9月20日 星期五

Online Shop: Zalora















我想買平底鞋好耐,不過無論行幾耐街,黎黎去去都係果D 貴到你唔會買,或者個款唔靚既鋪頭。

有一日見FB 有個廣告,D 鞋款都幾唔錯,價格合理,$100 - $200,買滿 $150 Free Shipping 仲有15 日免費換,都幾吸引呀﹗

於是就學左Shop 左2對,最右果2對,紫色就大左小小,不過加對鞋Jin,應該無問題,黑色就好Good Fit,不過我俾完錢先發現人地做緊15% Off,蠢左﹗

好彩用Credit Card 都有5% Off~~

之後見佢送左張$100 Coupon 忍唔住又買多2對,涼鞋想要好耐,金色頭又係,著落好岩,不過個頭有D 花左,我應該會換,睇下佢換貨程序得唔得先~~

仲買多左件衫玩下,5樣野連運費$600 ,我就覺得幾抵玩喇﹗

http://www.zalora.com.hk/

佢成日都有15% Off ,可以睇清楚先落Order~~~

2013年9月18日 星期三

魔天倫演唱會2013





時間真係過得好快,之前換飛話咁快就開演唱會喇~~~

今次都幾多特別野,天台大舞台,與鄧麗君隔空對唱,分身~~

感覺好新鮮,呢D係好多香港明星做唔到既效果﹗

























我唔知原來今次有送螢光棒,仲傻更更響門口買左2支,$30~~~

其實近呢幾年已經無以前果種感覺,不過睇返現場大合唱D 舊歌,仍然感動﹗

人魚線.......






嘉賓: 草猛




























而家只係有一樣野未做,就係去台灣感受一次演唱會﹗

下次約定你

2013年9月17日 星期二

第一次不是你


























Weekend 陪奶奶、老公去左拜拜公公,之後去左銅鑼灣食野,J 又揀返聖博殿炸豬扒~~

2個人影同一張相,點解老公影得角度咁差........@@

3個人食左好多野呀,1個豬柳Set (大),一個2人餐 有蝦、豬扒、豬柳、芝士豬肉卷、蟹肉卷﹗

老公驚唔夠食,仲叫左2隻蠔...........@@

所以呢一餐係好飽嫁...........





























之後我地2個去左睇戲,第一次不是可能我地已經不再青春,有D位都係接受唔到﹗

覺得多左,點解明知女朋友出黎做,仲可以支持~~

支持既係咪應該諗下點幫佢搵錢!!??

女主角又係叫阿寶!!

原本乖乖女,突然接呢D 戲,有小小唔慣,有D位感覺上為露而露

2013年9月15日 星期日

公司比賽


新一年度的Archi Firm 聯賽盃又開始喇,因為唔夠人,於是叫埋老公 & 朋友s 幫手﹗

雖然最後2:0 不敵對手,不過都唔緊要啦~~

玩完就去左蓮香居食飯﹗

4個人叫左4樣送,雞、豆腐魚頭煲、生炒骨 & 大蝦E 面,不過感覺上都係蓮香樓好味~~~

2013年9月14日 星期六

裝修起動

新屋裝修終於開動,媽咪幫我地揀左日好日就開始喇﹗

不過開始搬好野之後搵煤氣公司關大制之後發現原來屋入面一直漏煤氣~~

問題又再次出現,換喉係要同換水一樣,要開左一部分地板,但係原來而家既煤氣喉好粗﹗

又要辛苦Daddy埔手諗辦法 同埋同煤氣公司既人溝通~~

估唔到連D 職員都叫我地考慮轉電熱水爐,再唔係成個地台做升高﹗

升高即係要成個地板換,又係好多錢﹗

但如果用電就唔可以係即熱式,要用儲水式,即係要有一大個"水缸" 放入洗手間.........

希望快D 諗到方法解決啦﹗

幾日唔洗已經搬走哂D 野,仲整起哂D 廚房磚,真係好快手,唔知下一步整D 咩呢!!?

黎緊要Firm 電制位、廚櫃、磚既顏色~~~

嘩,好多野諗呀﹗

2013年9月8日 星期日

約會好朋友

Happy Meal
蘇菲話佢突然得閒想約我食飯,我就提議叫埋Iwin ,一齊行下街﹗於是3個人就去左銅鑼灣,原本想食High Tea,不過因為大塞車,搞到遲左成個鐘....@@ 
我地只係去UCC 度食左個Tea,行左一陣街,Iwin 就要去食放題喇~~而老公就岩岩剪完頭髮就一齊過黎食野﹗唔知搞咩好多人等位,所以我地去左好遠先搵到野食,3個人食左2個蛋包飯,1個焗飯~~味道就唔係特別好,不過同朋友一齊吹下水,就已經好滿足,老公仲好好咁請埋蘇菲食﹗希望我新屋快D搞掂到時再叫大家黎玩

同事友賽

Football




















Yahoo Blog 搞左成個星期都未搬到,都係唔等喇,開始左新Blog 先~~

不過我唔識點分類呀,如果有人知道的話請指教﹗

未來3個月,要睇實新屋進度,仲要睇傢俬,一定好忙~~

呢一日放左工,因為同事話有波踢唔夠人,於是叫埋老公去,我多個藉口去坐下﹗

其實有時睇下其他人做運動都幾Relax~~

2013年9月2日 星期一

老公生日月最後一激



先要多謝 Cherry Chan 幫老公搵到2張周杰倫既演唱會飛~~

我真心覺得自己好幸福,呢個傻人知我鍾意,佢就會諗盡方法滿足我﹗

仲成日扮傻仔Tum 我開心,我前世做左咩好事,今世有個人咁愛錫我!!??

星期六我地就出去觀塘羅飛,當日突然橫風橫雨,好恐怖呀~~~

搞掂哂之後去左APM 抺身 & 行左一陣

真係好耐無黎呢度喇,好多野都唔同左,不過都係無野睇岩,留返D 錢去日本啦﹗


行到咁上下我地就去尖咀,老公生日月有一個Free Buffet @ Langham Hotel

雖然有得揀旺角同尖咀2間,不過感覺上都係去尖咀間高級D~~

之前其實食過2次,記得價錢唔算好貴,點知最Update 個價係 $580,如果無折真係唔會食﹗

雖然佢食物唔多款,不過味道真係幾好,海鮮都多好多款,Excelsior 真係收得.........

我食左一隻龍蝦 & 每款一件海鮮,老公食左2碟蠔,鴨肝 (油左小小)、PARAMA火腿~~

已經好飽,望到隔離台一羅就係10隻龍蝦,我地2係睇見就飽..........

一如以往一人2個Main Course ,今次我揀左乳鴿 & 燕窩Dum蛋,老公就叫左羊扒 & 燕窩Dum蛋﹗

個蛋真係好好食,其他2樣麻麻地~~~

今次連菜同魚生都無食,呢個月真係食得太多次Buffet喇,黎緊要節制一下﹗

2013年9月1日 星期日

名古屋、大阪、京都酒店

訂完機票見仲有2個月時間,酒店既野諗住慢慢睇,雖然都有D 心水﹗

點知25  同26 唔知搞咩好多都Full 左,搞到緊張大師又上身,即刻搞埋哂所有酒店Booking~~~

我通常Book 酒店都會格幾個Website,今次發現Agoda Book 日本酒店唔方便,佢個價未包16 - 20% Tax & Service Charge,Book 完都未知幾錢,咁樣唔掂﹗

今次主要係去返酒店主頁 & Hotels.com訂,都搵到幾間唔錯,價錢又平既酒店~~

都有人用Hotel Combined 黎Check 幾個網價錢,不過So Far 我覺得果幾個Website 唔係特別平﹗

22/Oct

第一日我地7點先到日本,由機場搭近鐵去名古屋站,第2朝一早就去大阪,我會同近鐵5日Pass,由名古屋站出發﹗

所以呢晚酒店主要係位置上既Concern

好好彩各個Website 都有地圖,仲Show 埋附近設施 & 位置,我原本好想揀右下方粒紅點,因為感覺上果間靚D,近D.........

不過Fully Booked~~
最後揀左藍色點既Daiichi Fuji Hotel,都同近鐵名古屋站好近~~


睇相感覺都唔錯,價錢都好合理,22-23 一晚就$465........

因為我地要就個Pass,最Last 2晚又會住返名古屋,所以住返同一間就最方便,連住2晚平D~~
 
27 - 29,2晚酒店加埋都係 $780,抵呀﹗


去到大阪,我想住Vista Grande,因為呢D 酒店感覺係我Like 既,Modern~~~

老公一睇都話鍾意

其實佢位置唔算方便,不過都叫近近地 近鐵難波站,

我經佢本身網站訂到23 in -25 out,25 果晚佢就話Fully Book~~

一晚一人連稅 JPY 4600,點解貴過Justin & Fiona 佢地咁多嫁,不過我去返其他Agent Website Check 到仲貴,仲要 25 號都係無~~~

我真係好想住,於是老公就話25住另一間


其實真係好好彩,我地搵左好多都無,突然上Hotels.com又俾我地搵到一晚Hotel Hillarys,我估係因為有人Calcel 左岩岩放左出黎﹗

當然唔理照Book 左先,我睇過佢平日價,都係$500左右,不過我地呢一晚就要 $654~~~


由黑門市場位置你睇到我地2間酒店距離都唔算近,唔理Lu~~

到時再諗行李安排﹗


玩完大阪就會過京都,唔想太急所以我地揀左Stay 一晚,可能26 係星期六關係,唔知點解感覺京都酒店要搵價錢 & 位置好既仲難~~

搵左好耐終於俾我搵到間岩心水,Hotel Village Kyoto~~

酒店位於阪急京都線大宮站,雖然好多人都同我講去京都都係搭巴士,不過因為我地時間唔多,如果有鐵路,我都盡量想縮短搭車時間~~

不過京都我只係想去清水寺,八阪神社 ,如果有時間就去伏見稻荷一社~~~

我見伏見有個站,同京都近鐵站都唔算好遠,所以應該會走前去睇,27 應該一早就去奈良睇埋鹿仔就返名古屋喇﹗

真係聽到我地個行程都覺得太多景點~~

希望今次行程順利啦﹗

到而家呢一刻,我地機票 + 酒店既人均洗費都係$37XX,去到8日日本真係好勁呀~~~

我諗今次個遊記已經唔再響Yahoo度打喇,Um..........其實Yahoo Blog 用左6年幾,真係好有感情,因為Blog 我識左一班好Blog 友﹗

聽到要搬都難免有D 傷感,呢6年幾既回憶,對於我黎講真係好珍貴﹗

不過要搬都無法,Anyway 我會繼續打我既日記,記低我生命入面既無聊野﹗

希望去到一個新平台都仲會見到大家,Keep in Touch~~~