Last Single Day

Wow~~ 終於都到左婚前一日喇，我一早起身，執好左羅去酒店既物資落個紅GIP度~~

即刻去百利整甲，12:20 整到2點，我奶奶都有整....XD

今次整法式，簡簡單單又易襯~~

整好之後就去左羅掛，套掛都係咁令人滿意，我無後悔俾多 $1000 租水晶，原來D 閃真係睇到~~

之後就返酒店Check In，蘇菲到左酒店大堂等我﹗

好鍾意呢個GIP，好紅~~

上左房就開哂D野出黎，放好，其實前一日放好哂D 野真係好正，仲要有姐妹響身邊，到時搵野都唔洗下下問我﹗

間房好似同上次有小小唔同〝不過感覺上一樣唔大........@@

奶奶都話我揀得唔錯....=]

細房﹗

當日真係好大雨呀﹗不過我無特別唔開心，因為天氣真係話唔埋，唔開心都無用，都係果句平常心~~

好彩搬開左小小梳化都夠空間俾大家玩.....

執執下野J 佢地送左D 婚紗黎，不過媽咪話唔見得，所以我就入左房，J 驚到連門口都唔敢入...XD

最後再多2個姐妹黎，大家傾下D Rundown 遊戲，再落去食埋晚飯，買埋遊戲道具，唔知呢，中學時大家相處果D感覺返左黎，好開心有你地響身邊﹗

大約9點幾佢地就返屋企喇，原本我想加床俾佢地留過夜，不過2個人要加差不多 $1000，太貴，所以放棄左~~

之後媽咪同細佬都黎左﹗

沖埋涼等上頭~~

媽咪整左個頭髮之後好似韓國阿嬸

白頭到老，永結同心~

全身都係紅色~~

因為要等個蠟燭完全燒哂，所以我做左小小遊戲準備，同埋寫左個Script，其實都係D簡單野，係驚到時突然唔記得都有野揸手，不過我發現J 背左，感覺真係好好多，如果有機會，我提議大家都係背左之後手拖手望住黎講，感覺會再感動D~~

真的要成為麥太了~~~

婚前數天

原本以為一切都準備得7788，婚前果個星期可以放鬆下..........

點知，原來都好忙，忙住執物資，忙住做Facial, 整甲, 再次試身，總之好多野做~~

放假第1 日去左北角買金，奶奶話想買多對龍鳳鐲，同埋頸鏈，媽咪又話想買隻介指仔俾J.....

不過樣樣野都係我地自己揀........@@

我幾鍾意條鏈，西式.........

之後J 去左柴灣睇剪片，我就去左上環買Candy Corner糖果，因為唔想洗太多，大大包買左D可樂糖，提子味軟糖，棉花糖 & 紫色包裝朱古力﹗

加加埋埋都成5KG，真係好辛苦~~

仲要去埋尖咀搵個MC 開會，好彩佢地好多經驗，好快就傾好曬，放心曬~~

最後去埋灣仔，因為之前對介指，大左小小，J 朋友幫我地改好，有得羅﹗

放假第2 日先去銅鑼灣做FACIAL，再去上環試裙，都OK，岩身﹗

不過因為之前個NUDE BAR唔係幾好，所以又去返GLC (尖咀) 買，呢個平平地，戴得唔錯~~

真係日日都遊哂港九，不停來來回回，上環、銅鑼灣、尖沙咀﹗

婚前最Last Working Day

27 號開始放假喇，26號返完工就同左FIONA 去沙田行陣街 & 食野﹗

因為新鮮花唔可以玩掉花球，所以佢特別整左呢個絲花花球俾我~~

有時候真係要到某個時候你先知咩人係真心對你，就算簡單一樣野，不論價值﹗

但最在乎係果份心意~~

雖然到最後因為落雨而無掉到，不過我真係好感激有呢個朋友﹗

花車花、整頭髮; 姐妹會

雖然BIG DAY已過，不過我好想記低呢段時間既一點一滴，所以會打返BIG DAY前先~~

23 號星期六果日約左交收車頭花，如果呢個款訂新的要 $ 640，我買2手 $380，之後賣返出去 $280 左右，都OK﹗

雖然BIG DAY我只係用左半個鐘，不過真係幾靚﹗

交收完就去左將軍澳整頭髮，今次染得幾好~~

仲拉返直，好期待結完婚之後剪短呀﹗XD

24就約左一班姐妹去試裙 & 傾下遊戲，當日Winnie 唔舒服佢自己過2日先去試，其實我覺得自己好好彩，個婚期寫早左一星期﹗

因為佢地D 裙真係預得好 "文"，我話BIG DAY 係3月24 佢3月16先話D 裙到左，其實如果真係得返一星期都幾急，大家又未必就到時間﹗

所以真係寫早小小會比較安心，試完裙就去左附近一間CAFE，都幾得意，不過服務態度一般~~

傾下當日點玩新郎兄弟，都差不多5點....@@

我地決定第1個GAME 玩掌上壓食CREAM; CHERRY，第2個係食雪條 (DURIUM 味，J 最怕) 之後響條棒上面疊DICE (JUSTIN LOVES CHERRY)

不過當日唔成功要用膠紙幫手﹗

最後諗埋一個BACKUP 就係搵相 + 拼圖~~

仲有個"獎勵" 就係有幾杯甜酸苦辣飲品 & 食品供大家品嚐﹗

我自己都幾滿意，好似好好玩，我響房入面聽到佢地好開心 =]

ANYWAY 多謝我幾個好幫手既姐妹﹗ LOVE~~

終於羅到相簿喇; 度身

一收到AH電郵我已經急不及待即日去左羅，咁岩要去中環度身，好岩路....

今次伴娘有同我一齊，不過佢都唔係睇到好多，因為D 衫未改好，所以都叫唔到佢幫我試著﹗

好似浪費左佢D 時間Tim.............

之後我地即刻去左上環AH OFFICE ，因為之前HUGO 俾我D 相唔係幾岩，所以開左隻碟黎睇，隻碟反面岩WO~~奇怪



幅油畫我地真係好滿意呀~~

好靚﹗

開出黎，係咁既~~

相簿都滿意，如果你唔介意要放好多心血落去，你都可以試下影呢間﹗

唯一後悔係無落LOGO / NAME，好似加左仲靚........

ANYWAY 你準備好未呀?? 麥生....

紅噹噹

 

媽咪吩咐我要買一個紅喼，其實我睇中左好耐，不過唔係幾捨得買~~

諗住睇下第2度會唔會平D，不過.............我諗真係公價貸﹗

最後終於都響先施買左， $1209 --> $1149~~

佢係唯一一個我覺得靚既紅，其他果D感覺唔良好﹗

結婚當日我要羅住呢個GIP 由酒店去男家~~

應該都叫嫁妝其中一樣...........

媽咪仲買左一個紅盤、紅桶、紅被、紅鏡、紅交剪、紅尺...........@@

呢堆野又會迫爆J 屋企喇...........

其實大部分既野都搞好左，係仲有幾樣野未買~~

要加油呀﹗

又淘

淘寶真係好勁呀，咩都有得賣，今次我幫Candy Corner 訂左3個心形夾﹗



相就好靚喇﹗

200 個糖果袋﹗收到實物再Report~~

因為我地無簽名布，同事叫我試下打手指毛，我一見到D 相就好鍾意，原來淘寶都有..........

不過都有擔心，老人家一定唔會打，又驚整到人地D 手指有污積，又驚D 墨唔出色會唔靚，不過因為平都訂左落黎試下先~~

我地揀左呢個車款，名 & 日子印左響個車牌位，好結婚呀，如果印得靚我會放響新屋個廳，感覺好似接受左大家既祝福咁...

如果可以，即晚表起佢送客放響Reception 都幾正﹗



仲買左個自動出泡泡機，諗住晏晝外影果時用，我一直都好希望可以同班姐妹影一輯溫馨既相，唔知大家會唔會同我諗法一樣呢!??



因為決定左Theme Color 於是我又訂左D 絲帶，諗住用黎縛住3眼仔個袋，原來如果自己俾料間鋪反而仲貴，要2蚊一隻~~

用佢果D 反而 $1一隻..........

原本想慳小小叫D 兄弟姐妹幫手，不過又擔心果日已經好多野忙﹗

J 決定都係叫返間鋪幫手，加錢就加錢~~

條絲帶都幾Personal，因為用唔到成個LOGO 最後用左LOGO 入面個J C ，仲有我地個名 & 日子﹗

同間鋪溝通一下，好快就有圖睇~~

揀左深紫銀色字，賣家話咁樣未必靚，不過希望唔會好差啦﹗

好期待呀~~

仲有無咩要訂呢!!??

欄門花球 (心情)

Join 左2013 新娘Group 其實一直都無諗過會響果度買到野，不過見個欄門花球幾平，於是就約左Marget 交收﹗

過程都幾順利，我地仲交換左好多經驗~~

Join 左 Group 之後真係有好多共鳴，有一班同聲同氣，完全明白搞結婚係一回咩事既人一齊，感覺好好呀﹗

好快就Big Day 喇，其實我都算搞得8899~~

係仲未搞掂個坐位表，Rundown 其實都Final 咁滯，仲有小小濕碎野想整，要繼續加油﹗

由上年4月21求婚計起，呢11個月真係有好多煩野，揀左好多大大小小不同既野，做左好多自己完全無諗過要做既決定~~

雖然真係好煩，不過過程真係好開心，而我知道呢一切既付出都唔會白廢，2013年3月31日果一日我一定會係好開心咁出嫁﹗

真係好期待又緊張呀，呢一刻個心情真係唔知點形容，都開始有小小唔捨得，可能怕之後唔搞結婚無野搞....XD

不過其實層樓都差不多係時候開始裝修，呢個又會係一個好漫長既戰鬥﹗

仲有Honeymoon，呢一切一切都會令2013 好豐盛喇~~

而家耐唔時都會擔心果日大定唔識起身，擔心果日有咩甩甩漏漏，雖然我都知擔心都無用﹗

Wow..............我真係要嫁喇﹗

決定左Backdrop; 佈置

之前一直都煩惱到底應該用咩色做Backdrop，覺得隻隻色都差小小~~

我地上左去JNC，最後因為穩陣都係揀返紫色﹗

好快JNC RIO 就俾左個Report 我地，Reception 會用呢個拉布方法，始終喜歡簡單~~

台2邊就會放D 花簇，Candle，其實襯得好靚﹗

見到個Report 我放心左好多，果日既佈置就交哂俾JNC 同班兄弟喇~~

要去再睇下D Candy Corner 糖喇﹗

Wired Cafe

繼續派帖，是日約左Fiona & Lok，我地揀左希慎樓上既Wired Cafe~~

3個人叫左3個菜╴食多D 菜好........XD

一個沙律，都幾新鮮呀，一個沖繩飯，呢個麻麻，一個意粉，味道辣辣地，都唔錯﹗

食完之後仲去左聰嫂，叫左個燉糖水~~

我地食下傾下，其實都幾開心，大家都要幸福呀﹗

兄弟姐妹會

 

終於開左兄弟姐妹會，過程比想像中順利，係一開始Book 果間Cafe無位，要等一個鐘﹗

但大家都黎緊，於是臨時臨急轉場，搞到個人忟忟地~~~

好彩都搵到間有位，就係之前黎過既空中棋園，不過呢間都幾貴，入去坐已經計錢，我地有部分人只係飲左杯野，不過埋單一個人都要一百蚊﹗

齊人之後開始我講解左一轉個全日Rundown ，睇下大家有咩意見﹗

原來真係要逐個Item 寫清楚要邊個人負責。

開始左之後感覺已經好左好多....

之後都有食下傾下，而家外影定左去數碼港，希望真係夠時間啦，因為我仲要回門﹗



最後就係派帖喇，希望大家都滿意我個安排啦﹗

之後同D 兄弟去秋子睇下，方便果朝搵，不過而家應該佢地全部人會坐狗狗架車，辛苦狗狗果日要車足我地全日喇~~

Backdrop 到底應該揀咩色!!??

上次個紫色夾得唔錯，不過其實果隻紫色唔係我杯茶

我其實想要紫紅色，加左小小燈光應該會幾Grand~~

於是我上網搵左呢個色俾佢參考﹗

等左成個星期，佢終於Send 左呢個Draft 俾我地，都唔係襯得幾好﹗

之後又叫佢跟返之前張相果2個波既顏色去整，出黎效果仲麻麻地...........

因為無咩時間唔想再改喇﹗

我地應該都會響呢個粉紅 & 紫色 入面揀﹗

呢個紫既Combination 係最多人鍾意.....@@

我終於知道點解佢成日都襯唔到我想要既紫紅，襯完都怪怪地，原來因為個色版得好小紫紅~~~

呢個色版之前睇過一次，其實我已經唔記得左.........@@

下次應該影低個色版，之後MATCH 返中間隻色咁應該易D﹗

希望果日個台OK 啦﹗

Confirm 晚裝

其實BOOK完之後我真係好滿意自己揀既果3條裙..........

不過仲有一個月左右都要上去試下，Final Confirm﹗

原本同埋伴娘，不過佢話有J 唔洗咁多人，係呀，J 真係幾時都響我身邊..........

婚紗 & Tiffany Blue 當然係無問題，我真係好迷件TB，婚紗應該響黃燈下好靚﹗

J 話件旗袍就真係肥左D，對手臂唔得........@@



之後我仲試左D 其他款，金色 好FIT身呀，不過顏色唔多岩﹗

個粉紅就唔多岩身，不過隻色幾特別~~

真係好難揀呀，J 就話搵D 女仔同我去試，所以我又搵左表妹 & 同事Mandy.........

Mandy 真係好好，俾左好多意見，由D相、化妝、相簿、Backdrop，事無大小都幫我諗﹗

希望之後就算我地唔再一齊做野都可以Keep 落去.......

我原本以為表妹 Mandy 佢地會話肥，點知佢地話OK，仲著得好靚

我都有問班姐妹 &13 JM Group(相)，全部人都叫我揀旗袍

雖然影相出黎效果同現場唔同，不過應該都唔會好差掛~~

YC 話有信心就會Carry 到.......

之後同左佢地去食拉面，呢間拉面都唔錯呀﹗位於九如坊，唔好意思打搞佢地咁耐，所以請左佢地食~~

其他人為自己付出唔係必然，要識得感恩﹗

雙方家長見面

終於都等到呢一日喇，開頭都有小小擔心，因為驚UNCLE 聽唔明爸爸同媽咪D 話~~

點知UNCLE 之前做生意成日都會去廣東，所以無咩問題，Aunt 就真係唔明..XD

我以為佢地會傾下當日Rundow 點知全程都係講下大陸發展、買樓..........

搞到我仲特登早小小搞好左份Rundown，幫佢地製造話題﹗

成餐飯我都無咩出聲，Uncle 真係好好，仲有問埋細佬讀書、做野﹗

Wow 完全唔似第一次見~~

是日我地揀左朗豪坊8月軒，之前分別同佢地黎過，今次第一次2家人見面都揀返呢度﹗

叫左BB 豬 X 2、咕嚕肉、蝦球、豆腐、雜菜、雞......

呢個晚上都幾美滿呀，終於放下心頭大石﹗

之後分別返屋企前，我仲同細佬 & 爸爸買左裇衫 & tie，而家減價貨都好貴~~


Anyway 搞掂好哂爸爸 & 細佬D 衫，果日返屋企試左一轉，都幾好﹗

媽咪就決定左造件深紫色長衫，希望出黎效果會好~~

約會Ceci; 派帖進行中..........

3月31 長假令我好苦惱，好多人都唔得閒，唔係去旅行就係撞左婚宴，仲有好多人未覆，我都唔知點好，不過都會再問多一轉~~

整好哂帖之後其實都開始派喇，J 好勁，佢已經派左好多﹗

是日約左Ceci 食飯，食之前我去左Mioggie 試Facial ，VIP 生日有得試做，同埋做左Armis 之後好似有D乾........

試下又無壞，最緊要係聽人講佢地唔HARD SELL~~

成個過程都OK舒服，有清潔、Peeling、針清(第一次針一粒就搞掂)，推油、Mask、倒模、按肩頸~~

大約 $360次，如果唔係Reneex 岩岩加左錢，我都可能會買幾次黎試下﹗

是日Ceci 揀左Apple Green ，2 個人叫左一個沙律 (牛油果，麻麻地) 一個薯皮，一個意粉~~

Overall 都唔錯，我地食食食，傾傾傾，真係講左好多心事呀﹗

唔知呢，我就係呢D 人，有咩唔開心，講幾次就無事~~

太好喇，果次撞返你之後，我而家知道自己應該同咩性格既人岩KEY.......

Ceci 雖然粄GIP ，不過都幫我響韓國買左MASK，仲俾左一堆手信我﹗

造男家衫

因為J 屋企人有D事，所以一直都拖住，未上去深圳造衫，終於都搵到一個星期日一家人都得閒~~

而家雙方家長仲未見面，其實真係好緊張﹗

Uncle 揸車由香港南到北都係40分鐘左右，之後響上水轉火車，上到去食完野見嚴師傅仲未開鋪，於是去左田貝四路睇潔具~~

之前我已經黎過一次

價錢真係相差好遠呀..............

幾百蚊一個TOILET，連埋地磚一齊運落去應該都抵~~

Uncle 真係算係咁，好多野都幫我地諗埋，等結完婚，我都要努力D 幫手睇下新屋裝修﹗

行左2個鐘左右，就返返去羅湖城，J 件白色終於都有喇，不過效果比想像中差~~

Uncle都度身造左件，不過佢都響香港買多左件，西裝佢平時都有著，所以應該唔會浪費﹗

之後第2個星期又上左去，今次係主要幫Uncle 度身，Aunt 睇下有無布岩用，做條連身裙，真係有好多種布，最後都揀左一隻黎做﹗

我就幫媽咪睇中左一條絨既連身裙好似幾唔錯，下星期又要上去...@@

有時真係上到驚......XD

好彩結婚D野搞得7788喇﹗

新郎黑白鞋; 訂花球

新郎鞋已經有得羅，感覺上都造得唔錯，黑色手工好好，白色就差小小~~

白色左腳上仲有2點污點，好彩阿姐話會幫我地SEND 返去廠整返~~

呢個價錢，呢個質素算係咁~~

之後我地去左繽紛 & 秋子睇花球，其實繽紛都幾唔錯，不過手花 + 襟花好貴~

睇左一陣秋子，J 話不如響呢度訂，其實都OK，$1299 包1個花球，2個新郎 (有無記錯呢??) 6個姐妹，6個兄弟﹗

湯生仲俾左SAMPLE 我地睇，不過佢果度就唔多款，手花、襟花一定係玫瑰 / 桔梗

我地揀左4朵粉紅玫瑰俾雙方父母，6個兄弟姐妹可能就用紫+金色桔梗!

類似呢個樣~~

如果Backdrop 真係紫色就會用呢D 花，好似叫勿忘我~~

深紫桔梗~~

不過粉紅色桔梗真係幾吸引，仲好鍾意佢下面果隻粉紅色花....

一個個圈好靚~~

Anyway Confirm 左Backdrop 先~~

再揀花球顏色 =]