中秋BBQ

連續4日假期真係好正，第一日就去左元朗BBQ~~

中環轉西鐵再轉巴士到一個叫東成里既地方落車，都唔好話唔遠﹗

7點左右去到，正忙住透火，不過7:45 車路士開波，我都預左要燒埋J 果份~~

不過估唔到要再燒多份俾另一個人﹗

是夜好多人，差不多20人，不過都係我唔識既~~

都幾悶，果個人仲要話我燒得唔好，嬲左第一次﹗

今次都係一堆堆肉咁放上去，我麻麻地呢種燒法

死堅持叉住黎燒，又俾D肉遮哂D火，仲要一個人燒3人份~~

我諗3個人都唔夠飽﹗

睇完波J 陪我燒左一陣，果個人同J 夾打褲，佢掛住打牌，中間我都幫佢地手打左1-2鋪，點知輸左，之後俾人話幫佢派錢，講真真係嬲，有時候講野唔該尊重下啦﹗

唔係錢既問題係態度既問題，我發現自己有時太好，D人得寸進尺~~

澳門Prewedding 紀錄

前一晚臨訓前見到香港紅雨，都唔知點好，不過澳門望出去應該就無雨~~~

2隻野都唔願訓，睇陣電視都已經1點﹗

第2朝起身全個天都係雲，不過係好光好白，感覺上唔會落雨，但都應該唔會有藍天~~

我地8點起身，落樓下食左個豐富早餐，J 原本話驚突肚唔食，如果真係唔食就大件事喇﹗

講真我都幾鍾意萊斯酒店，個環境好舒服，房唔多，所以真係好小人~~~

之後上去沖個涼，HEIDI 準時9:30 到左酒店﹗

(我覺得AH 有時溝通做得唔係幾好，明明同佢講俾J 個電話HEIDI，但最後都係俾左我果個﹗因為得J 先有WTSAPP)

好彩都好似好順利咁搵到我地﹗

HEIDI都幾好傾，我地唔經唔覺就講左2個鐘，岩岩開始整頭無耐Kurtise就到喇~~

上次見佢都幾個月前，到而家真係影果一刻先再見，我地連行程都無講過，雖然之前有俾左D 我地鍾意既STYLE 既相佢睇，不過佢真係記得!!??

我就仲SET緊頭，J 就同Kru & 助手Jonny 傾下，set左D影相位，最後我化到12點鬆小小，咩事搞咁耐，係我個樣好難化定係我講太多野

遲左好多先開始，先影廳果邊，梳化、椅子、WINDOW，露台，房入面又影左個WINDOW~~

而家諗返都唔係影好多，因為同一個位同一個POST佢都影幾多張，我諗係要試光、試角度，不過都真係幾開心~~

房入面大約影左一個鐘多小小就出酒店大堂同長樓梯﹗

不過真係好多人影呀，要排隊，可能Kur 覺得我地已經好趕 (6點天黑)，所以影左好小就話走喇，J 覺得俾左咁貴，影得太小，Kru 就係咁E 影多幾張

我地中間都有望下佢相機D相，望落都係我地想要咁感覺，不過個MON咁細，唔係好睇到我地個樣，所以最後都係要到睇相先知掂唔掂~~

BOOK左車，我諗司機叔叔已經等左我地成個鐘，原本影完係去食晏，不過佢地話唔食直接去主教山﹗

去到2點3，影左一個鐘左右就走喇，其實我都唔知一個點一個鐘係咪太短，定係我地想去太多個點.............

當日好大風不過好爽呀﹗超舒服~~

之後就換便服同轉髮型去龍環萄韻，吹左2個大大個金色 C J 字母氣球，便服仲影左D牌，我覺得呢個幾鐘又係玩得好開心，雖然無機會睇D相，不過應該都會好鍾意~~

之後就過威尼斯人，其實澳門唔大，點去點都唔洗半個鐘，去到威人已經5點半(3個鐘影左2個點，真係好強)，個天開始黑，我又著返果件婚紗，好多人都影我地，感覺好搞笑，Kur 全程都企好遠，我真係好驚全部相都係一粒米，有部分一粒米都OK，不過唔想全部都係，好彩望過幾張都唔算超細粒﹗

影到大約6半換埋晚裝就走喇，其實真係開始無電~~

7-8:30 係影夜景，Kur話佢前幾個星期黎戀愛巷搭左棚，我地想影新埔京對面果個水晶，不過我諗果度都只係可以影幾張，佢叫我地揀一個地方，應該唔可以去多一個地方，最後揀左路環﹗

經過安德魯仲食左個TAR，好似對人地唔係幾好，全日只係食一隻TAR~~

路環都幾得意，有D得意既門，閘、無車既馬路、影到8:30 就返碼頭喇，大家都好支力呀，估唔到仲趕到9點班船﹗

10點返到香港，成個過程都好急，不過都係開心既~~

唔知其他人係咪都係咁急呢，今次試左個新髮型，盤左D頭髮上去，估唔到大家都幾鍾意﹗夜晚MARCH IN 可以試下

原本想叫HEIDI 幫我地影D MAKING OF，不過最後都係無咁做到，可能諗住所有相既COPY 都會羅得返~~

難食萄菜 - 波爾圖

原本TEA完好飽，不過J話黎到澳門好想食炸馬介休球，於是去左佢同事介紹位於官也街既波爾圖

2個人只係叫左3樣野~~

萄汁燴蜆，上次響公雞食過，不過呢間唔掂，應該係D蜆唔夠新鮮~~

有超多我唔鍾意既芫茜..............

應該係想蓋過D蜆味~~

芝士馬介休球又無芝士味、又無馬介休味連薯味都無，唔知係用咩整..........

個萄汁飯又係無味，好難食呀

平日呢條街D餐廳都係好小人，可能我地叫呢3樣唔係佢地招牌菜，所以唔好食~~~

呢間咀香園好特別，買左小小手信，就返酒店喇﹗

期待Pre Wedding Shooting~~

High Tea @ Galaxy

無諗過咁晏先過到去，第一時間由金沙搭去威尼斯人，搵唔到威尼斯人有邊間有得high tea，我問左其中一間西餐有無西式high tea，佢答我佢地有牛扒~~~

真有創意~~



最後都係制返去galaxy~~

好肚餓呀﹗high tea x 2

my tea~~

不得不讚呢度既service，幫我加左好多次茶~~

最底係包包 x 6，咖哩味、青瓜沙律同吞拿魚~~~

估唔到唔愛咖哩既我覺得咖哩個包好味，吞拿魚ok，青瓜就特別左小小~~

中間係熱既，腸仔酥、

3樣野都好味~~

當然最令人期待頂層既甜品

第一件食左最大件果件，中間係好似拖肥既醬，但唔會太甜~~

果tar 個醬好好味，同d生果極配~~

之後就係白雪正果件，再到中間果杯﹗

估唔到呢杯野咁好味~~~

最後就係呢2件，berry 果件好得﹗底下係marcoon~~

紫色就差小小~~

total 只係得6件，不過樣樣都好味﹗可以係因為餓啦﹗

228 for 2 係一個合理既價錢，下次再黎~~~

澳門Prewedding - 萊斯酒店

星期一懷住既興奮又忐忑既心情去左澳門﹗

興奮唔洗講都知點解，忐忑就係因為天氣唔係幾好，擔心出黎既效果~

今次急到連船飛都係去到碼頭先買，原來有D細AGENT 響碼頭會平小小， $260 Cotai Jet來回，$290 Turbo Jet來回﹗

我地揀左Turbo Jet 因為酒店真係好近漁人碼頭~~~

上船前去左 Alexander Hera Fitting 多次，2條裙都好窄呀，可能佢以為我會減肥所以整窄D，好彩Fit多次，唔係到時影就會好辛苦﹗

終於趕及3點船，去到澳門4點，第一時間去搵酒店Shuttle，原來萊斯同金巴比倫share 一架車﹗

間酒店真係好靚，哈哈﹗間套房應該大過我屋企

大堂

古典~~

呢度可能係唯一一間無賭場既酒店~~

大堂隔離既樓梯~~

一入房左手邊係一個洗手間，隔離係書台~~

呢個係梳化位，對住露台 & 電視~~

經過道門就入左房，一邊係一個超大洗手間 +浴室~~

一人一個洗手盤~~

LIKE 爆佢隻牆紙~~

梳妝台~~

隻window 都有Feel 過人~~

我地2個無聊影~~

見到間房咁靚，對於我地輯Pre Wedding 都放心左~~

第2日學識左唔好攬得太高，唔靚~~

雖然張相好肥，不過好LIKE~~

呢個係我訂既 C & J 好靚呀~~

有D相係夜晚影既，其實我地返到酒店放低行李第一件事就去左GALAXY HIGH TEA，真係好餓呀﹗

煲呔

 

J 真係好貪靚，為左Pre Wedding一口氣買左四隻煲呔！

真係好誇張~~~

我最後都買唔到新鞋，便服果套都感覺同J果套有小小唔襯~~

哈哈﹗點解我準備得咁慢嫁............

初次 Gel 甲

因為想Pre Wedding效果再好D，所以做左人生第一次Gel甲!

其實完全無idea去邊度整，問左好姐妹Sammi，相熟既不過無期~~

下星期二影一定要星期六日，最後揀左同事介紹位於銅鑼坊既Nail's Heart~~

哈！我係果d末到死線都唔做野既人！ 

（對鞋仲係末買到）

唔行唔知原來呢度好多甲鋪，細細間~~

二點去做facial，三點開始整甲，整到六點，都唔好話唔辛苦！

不過十足足等左3個幾鐘，仲辛苦~~

其實連想整咩款都唔知， J 叫我整粉紅， 不過成隻粉紅我頂唔住，所以甲頂先整小小粉紅， 原來呢D叫French Nail！

因為我甲短要加長，之後仲加左條金缐~~

整甲原來好恐怖， 不停磨磨磨，好多塵！

又要一層層，小D心機都唔得！

佢提議加小小白點，再女仔D~~



我仲響二隻食指上面寫左C J 

響無名指上加左對粉色蝴蝶~~

其實真係好女仔！

指甲上厚厚既一層，感覺上有D怪~~

其實我做之前有打電話去問幾多錢，不過TURN OUT貴左一倍，故事教訓整之前要問清楚，之後講咩都無用﹗

好彩都OK滿意~~

第一次淘寶 - 氫氣

由細到大對於會飄既波波都情有獨中，好早已經決定要放D波波響個場定做裝飾，知道淘寶可以買到一支呢D石油氣，於是麻煩同事幫我手訂~~

http://tradearchive.taobao.com/trade/detail/tradeSnap.htm?spm=a1z09.2.9.103.MpQk2L&tradeID=221692804172368

原來淘寶真係咁誇張，同一種類產品多到你唔信，價錢仲可以差好遠~~~

同事做慣買賣，我提議左幾樣商品 & 賣家，佢再幫手逐個賣家傾，落單﹗

辛苦哂CHRISTY~~~

好快第一樣氣就落左黎香港，我地一打開就落去文具鋪，買左幾個氣球黎玩~~

哈哈，感覺上好安全，一轉眼個波就漲左~~~

好正呀﹗希望果2個 C J 英文字母氣球可以順利星期一朝到~~

仲買左幾個特別既波波~~~

哈哈﹗我諗我唔會淘上癮掛~~

澳門Prewedding 準備

下星期二就影澳門輯Pre Wedding 喇﹗真係開始緊張﹗

我KEEP 住UPDATE 果邊天氣情況，前2日都仲係天晴多雲，今日已經變左大致多雲。吹輕微至溫和偏東風。有幾陣驟雨。

希望過多2日會轉返天晴啦﹗

其實我仲有好多野想買 / 整，不過唔夠時間~~

我連鞋都未買，希望呢個星期可以搞掂啦，希望買到對珍珠白色，好簡單果D款﹗

呢個WEEKEND 會去做FACIAL，同整指甲，其實都唔知邊間好，人地話OK 就去試下~~~

都係希望出黎效果會靚~~~

我仲好無聊咁DIY 左2個牌，PHOTOSHOP 功夫有限，唔知果日影出黎係咩樣﹗

2張A3 Foam Board 都只係$34，抵到呢~~~