煮飯仔

其實自從而家個姐姐黎左之後，野食OK左好多，我地就好懶喇，應該都有大半年無入過廚房﹗

平時就咁叮返熱姐姐準備既野食唔算啦~~

我地先係去士美飛路街市源成興食午餐，再去西寶城買送~~~

我叫左大支話梅樂，J 就飲奶茶~~

佢既快餐A，有奄列 + 餐肉﹗

J 問我點解餐肉都好食過人!!!>??因為人地用好多油真係煎到好香~~

個奶油豬今次差左，不過都好好味﹗

我仍然迷戀雞亦米粉+炸菜~~

不過今次好似差左，下次都係食返炒野﹗

我地買到一大袋送，是夜整左帶子蒸豆腐(豆鼓醬TOPPING)、帶子炒西芹、仲整左個韓式燒肉包﹗

我地用生菜包住煎好左既豬肉，加埋小小韓國豆瓣醬，真係好好味~~~

其實我都好驚會食到肚痛，不過最後都無事﹗D生菜用SALT 同水浸左個幾鐘﹗

菜 + 肉 + 飯 + 魚仔 + 醬 = 超級美味﹗

證婚場地 - 伯大尼

其實我一直都諗住去九龍仔公園行禮﹗因為真係好愛大大草地~~~

不過有一日J 同我講佢屋企附近有間教堂都幾靚﹗

哈哈....原來佢講緊伯大尼﹗

以前睇相睇過，都覺得好靚﹗不過聽聞好難BOOK~~~

因為未知3月天氣如何，始終戶外都係有風險，於是我都打電話去試下﹗

不過無人聽只係留左言~~



雖然我無宗教，不過真係好鍾意西式儀式既果種莊重........

同埋洗費應該平過去草地，草地DECORATION 應該貴好多﹗

原來真係近得咁緊要......

黑超特警組3 (MIB3)

星期六又係去左太古睇戲

今次既腳除左我同J 之外就係蘇菲同EUGENE~~

睇之前去左大戶屋食野，其實大戶屋野食無咩特別，不過就普普通通唔係特別貴，平時諗唔到食咩都會黎食下﹗

蘇菲叫左3文魚飯 + 烏冬，我叫左蘿蔔蓉雞扒鍋，賣相麻麻不過估唔到味道OK~~

J 叫左個炸豬扒，味道都幾好﹗

之後就去左睇MIB3，故事搞笑得黎又有小小MEANING，加埋小小感動位，雖然誇張左D，不過我聽到有人喊﹗

其實未來真係有好多個可能性，只係在乎呢一刻你點揀~~~

未知數就係人生充滿驚喜既地方﹗

我諗MIB 真係小數令我感覺到OK 既"外星人片"

同埋不得不讚一下，年青K 與老年K 都真係好似樣，唔睇介紹真係以為同一個人﹗

Excelsior 1/F Cafe Buffet 以外的選擇

星期四放左工同J 去左Excelsior，因為Dicken's Bar 食物差左好多，見佢個MENU 又無咩轉，所以轉左去一樓CAFE食~~~

個個都食緊自助餐，我地就食餐牌上面既食物﹗

我揀黎揀去最後都係揀返羊，J 又係揀左牛扒~~~

2個人食左D包包，D野食都隔左幾耐先黎，J 件牛扒伴鵝肝，鵝肝唔係入口即溶，味道OK﹗

牛就極之細，牛味OK，不過呢碟野 $300 應該無下次﹗



我碟羊，黎到果下都已經知道再食唔返之前既味道喇~~~

雖然呢碟都唔係差，不過真係同之前無得比﹗

我叫J 叫阿爸做過第2間酒店Member，因為呢間質素越黎越差

好用婚紗APP推介

其實好耐之前我自己已經有睇開唔同既婚紗DESIGN，婚紗真係好多唔同款，花多眼亂~~~

而有一個APP 真係有好多款可以參考，佢仲會跟據你輸入既身形、胸圍、高度提議合適你既婚紗﹗

平時我都係輸入身高，已經有2XXX套可以睇﹗

我自己之前其實都無咩IDEA，不過睇多左都知道自己想要D咩款~~~

上面呢件真係好靚呀﹗

其實好長拖尾都OK，我鍾意佢背脊上面條帶

睇到鍾意就放大黎睇，仲可以SAVE 做MY FAVORITE，之後隨時睇返﹗

如果你仲未有心水可以上去睇睇~~~

個APP 叫做 the Knot

不過普遍都係西式婚紗，可能比較小可愛款....

酒席

之前一直都無咩心機搵酒席，因為想等WEDDING EXPO，到時一次過睇，點知岩岩果個EXPO原來係無酒店嫁~~~

於是呢個星期我放棄左搵PRE WEDDING，專心搵酒席，煩完一樣先一樣﹗

網上面見到人地有個MIN CHARGE 既TABLE，雖然唔UPDATE不過都可以參考下~~

可以睇下大約擺到幾多圍﹗

我上網搵左有興趣既酒店電話，之後逐間打去問詳情，佢地SEND左價錢，圍數，MIN CHARGE、BEVERAGE等等既資料黎﹗

之後得出左上面呢個TABLE，我都覺得自己好有心機﹗

我同J 都TARGET 酒席大約1萬，其實好多場都因為個MIN CHARGE 同個BEVERAGE，而爆左BUDGET~~~

其實我想知訂酒席有咩要注意，有D 咩係有機會可以R 到返黎!!!!???

其實2013 酒店加價真係好驚人，想知道個差距有幾大!!???

2012 年3月 每席 $8,388，2013年3月 每席 $ 10,088 仲要未加酒水

收收下酒店QUOTATION 發現原來6月會展會有婚展，不過我一定要響果日前睇定D場，到時落訂﹗

其實我真係OK 鍾意MARCO POLO，同LANGHAM PLACE STAR ROOM，不過首選日子3月31已經俾左BOOK左....

Reenex CPS 第2次 Treatment

JOIN左PACKAGE之後，就要開始每2星期一次既TREATMENT﹗

因為我係NON PEAK HOUR，所以BOOK左22號LUNCH TIME過去~~

不過之後我諗返其實NON-PEAK HOUR 唔著數，又趕，之後做完又要MAKE UP 返，都幾煩﹗

於是我就問下可唔可以買多幾次，轉返PEAK HOUR 放工黎﹗

加上我有張COUPON 如果可以用埋咁就GOOD喇~~

不過到最後都係用唔到，我真係好唔明，上次我已經俾左9XXX，今次如果加多5次即係2XXX，加埋一定過萬，點解唔可以用﹗

個治療師仲要同我講:" 我打工嫁JA，前台話唔俾都無法，之後睇下有無得買COMBO時用啦"

我一定唔會再洗成萬蚊落黎呢度﹗

因為第一次係TRIAL 係無MASK 既，今次第一次有MASK，個MASK 係平時我地用GEL 狀，感覺上應該係平野~~~

整左2次，我感覺係有小小效果既，皮膚好似乾淨左，頭3晚FU左水份MASK 第2日真係好貼，不過我真心覺得呢個FACIAL 唔值4XX﹗

成個過程只係40分鐘都唔洗﹗

條款及細則：

• 客戶必需為年滿18歲之女性。
• 必須列印並出示此換領信，按指定日期領取獎品，逾期無效。
• 現金劵必須於NEO DERM旗下品牌購買療程折實滿港幣$10,000方可使用
• 現金劵只適用於購買正價療程，不可兌換現金或與其他優惠同時使用。
• 現金劵每次只限使用乙張。
• 現金劵有效期至2012年8月31日。
• 每人只限於NEO DERM旗下各品牌分別使用療程現金劵乙張。
• 客戶請預先登記及預約時間，方可享用療程現金劵。
• 享用療程現金劵前，必須出示香港身份證/中國居民身份證/澳門居民身份證以作核實及記錄。
• 只限換領信上所列得獎者使用，不可轉讓。
• 如有任何爭議，NEO DERM保留最終決定權。

又忍唔住去左泰皇宮

星期六 / 日要響南區搵間好味小小既餐廳真係唔容易，呢日就算好大雨，J 都堅持去左泰皇宮﹗

因為響呢度附近我敢講得呢間係值得一食再食，通常我寫BLOG都係想記低食左D咩好味，有D咩係唔好味，方便日後自己睇返~~

好多餐廳食完都唔會寫，因為食物質素差到唔想記低﹗我覺得而家香港好多壽司鋪都好唔掂..........=.=

除左上面必食串燒，同炒金邊粉~~

我地今次又試左新野，泰式蜆﹗

聽個名我以為係炒，點知係湯，黎到果下都有D驚驚地~~~

但點知勁好味，D蜆一粒沙都無，D汁係辣辣地、有小小酸，其實唔識形容個味，總之同D蜆好夾﹗

仲連住個小火爐上﹗

我地好努力咁食食食..........

好無聊咁計下有幾多隻蜆，應該過百隻﹗

佢雖然細粒，不過都好鮮，係新鮮既味道，而最重要係呢碟送只係 $40﹗

蟹肉西蘭花，算係相對黎講比較差既一樣~~

不過都OK多蟹肉﹗下次都係食返雜菜~~~

最後仲送埋甜品﹗

J 話好味過糖伯府

是日大滿足~~~

怪誕黑家族 (Dark Shadow)

我同J 去完九展，之後就過去MEGA BOX等睇戲﹗

估唔到MEGA BOX 都咁多人睇，我地睇10點先有位~~~

先醫左肚 @ RISO

我一見到已經唔想食，點知味道又幾唔錯WO~~

特別係D PIZZA，我唔愛PIZZA但都覺得好好味﹗

見仲有時間去左打機，呢間機鋪係我去過最空氣清新、最乾淨而又最平既~~~

我地玩賽車都係 $1

玩左幾次唔同款既賽車，因為太耐無去呢D機鋪唔知新定舊，不過我覺得乾淨緊要D~~

呢個GAME好好笑，用D 波波掉個SCREEN，有不同TASK，1: 掉中D煙花等佢爆，2: 掉爆玻璃 3: 掉中條龍等佢食唔到個上面既肉

我地好渣，玩左2次都係玩到TASK 3 就GAME OVER

我地 1X 蚊已經玩足半個鐘，好低B~~

食完玩完係時候睇戲喇，真係好耐無睇 TIM BURTON 同 JOHNNY DEPP 喇，如果有睇開之前既戲都知大約佢地搞咩~~~

睇完都真係有丁丁失望，因為成個故事真係好弱，愛一個人果種佔有欲，同又愛又恨果重感覺，唔強烈﹗

好彩仲有DEPP DEPP，佢真係好型﹗

Hong Kong Wedding Carnival 2012

襯住仲有D記憶要記低星期6同J去左九龍灣結婚嘉年華既情況~~~

我地原本係想去睇酒席點知原來得幾間酒樓擺BOOTH，之後我上網CHECK返要到7月先有大型展覽@會展﹗

我應該等唔到7月所以呢個星期應該會打電話，逐間酒店打去BOOK睇場。

因為無酒店，所以轉左睇PRE WEDDING﹗

當日睇左台灣X3，香港X1~~~

台灣睇左SOPHIA、法國巴黎 & LISA BELLA，3間價錢都好接近，J 一見SOPHIA D 相就唔鍾意﹗

台灣大多數都係包30-40張相，IWIN話佢當日影完法國婚紗揀左百幾張，40張好似好小﹗

響台灣影要自己BOOK車、通常NT$1500 (6 HRS)，加多張相包執&落相簿NT$1500，運費500 - 800 (唔記得係HKD 定係台幣)

不過你傾耐D佢都會加多20-30張相俾你，台灣相簿大多數都可以整水晶面，無縫 + DESIGN﹗

法國巴黎係3間入面J 最LIKE既，佢主打台北，D楓葉相都OK~~~

LISA BELLA 就最抵，加得最多相俾我地，又包接送、SPA、酒店、衫、化妝、大中細相簿，J 都有小小心動，不過我覺得3間D相都差唔多﹗

如果真係影楓葉我想去韓國多D~~~~

之後過左去香港展館果邊，睇左幾間細既唔岩心水﹗

見IL 個FD JOIN左 ALEXANDER HERA，我上網睇過D相都幾岩心水，於是帶左J過去~~

估唔到佢都好LIKE，佢俾我地個OFFER其實唔算超貴， $25800 FOR MACAU(車船另付)，包2本相簿、60張相，3條裙﹗$23800 FOR BIG DAY (2P+1V、11HRS)﹗不過我地都要好好地WORK OUT一個BUDGET，唔你到最後真係會洗大左﹗

D 相真係好岩FEEL，同埋我貪佢影PRE WEDDING有自己MAKE UP 同婚紗，因為搵小一樣得一樣﹗有好多FREE LANCE 真係咩都唔包都收好貴~~~

ALL COPY FROM ALEXANDER HERA WEBSITE~~~

我真係想搵D幾十年之後睇返都唔會覺得娘，不過我上網睇過好似唔係好多COMMENT~~~

如果JOIN埋佢地BIG DAY好似就太大投資響同一間公司﹗

所以而家都仲未諗清楚..........

D野真係好貴呀﹗