2011年12月31日 星期六

2011聖誕遊廣州


 


黎到行程最後一日,因為之前幾日都好早起身,所以我地今日成11點先起身﹗



12:30 LUNCH

食返之前黎食過既鴻星海鮮酒家﹗

開左一壺茶 RMB 12 一位﹗



想食海鮮,2個人食唔到蟹、鮑魚@ RMB 40一隻、桂花魚 @RMB 70一斤

螺、蛤、聖子死既............

最搞笑我地話D野死哂,個店員話: "唔係呀﹗" 用個網掂D聖子,不過一動也不動﹗



如果唔係開左茶我一定走呀﹗

2個人叫左雞半隻、蟹肉豆苗、排骨、鮮魷炒豆............

落樓 RMB 250﹗完全唔值﹗所以呢間一定無下次﹗



之後去BOOK左返香港直通車,最LAST原來5點,我地食完已經2點,J 叫我揀一個景點﹗

之前做功課搵左3個地方:

廣州有條 "手信街",在 "中山八站" B出口出閘,向前行200米左右,對面便看到一個好大的牌子寫著 "廣州美食園"


 


一德路,乘地鐵 2號線 "海珠廣場" (出口 B1 : 一德路批發市場: 買禮品類) (萬菱廣場: 乾果,文具類出發前先上網查: 一德路 ︰就有商場資料


 


5號線往”黃沙站”D出口上天橋過對面馬路行15分鐘到沙面。



最後決定去沙面,諗住返黎海珠廣場先再行下批發~~~~



去到沙面都有小小失望,因為有D似澳門﹗

但D建築又唔係好特別~~~



不過行行下發覺又幾舒服﹗



STARBUCKS



有時候唔洗趕、行一陣,影下相,抖下﹗

感受下當地人既生活都唔錯呀﹗



其實漫無目的,又唔知去邊,見到咩就影下~~~



其實有好多人影結婚相﹗MODLE 硬照~~~



有時候又有D美食展,我地岩岩食飽無試~~~~



應該叫左繞左沙面一圈﹗



哈哈﹗我同J講叫佢試下影唔同角度,我示範俾佢睇﹗

佢話我影得佢好型~~~

如果佢好似我一樣鍾意攝影就好喇~~~



@ 沙面公園



其實呢區俾我感覺都幾好,乾淨~~~



住響呢度都幾唔錯嫁~~~



自拍婚照~~~



行左大約一個鐘就返返海珠廣場



不過我地無去到批發,亂行,都唔知自己去左邊,好彩最後都搵得返架車﹗



返到香港已經9點,已經唔想再諗食咩,只係響落車果度食左間泰國野~~~

串燒OK、鳳爪OK、春卷OK、但係反而主食炒金邊粉同埋咖哩麻麻﹗

呢個4日3夜韶關、廣州、溫泉、丹霞山、美食之旅順利完成﹗

YEAH~~下一站去韓國!!???



返到屋企見到棵聖誕書"枯"左~~~

2011年12月30日 星期五

2011聖誕遊韶關 (丹霞山篇)

終於都講到呢次行程最重要景點 - 丹霞山

我地搭完船要返返去頭先落車果個SHUTTLE站,轉車去丹霞山欖車站﹗

原來都幾遠,所以一定要好好利用佢D SHUTTLE呀~~~




RMB 40單程,RMB 60雙程,有人真係買上山頂,行返落黎﹗

不過是日天雨路滑,應該無可能行到落山~~~



之前睇相,見佢都幾新,好似NP 360 咁,點知去到見到............都舊舊地........

佢好得意一次過4架連埋一次上去﹗每次搭我都好驚..............






雨一直下...........

袋、褸、鞋樣樣都濕............><

到底係因為高山天氣都係咁定係.............



之前做過既資料搜集已經完全拋珠腦後~~~

山上大致分左3條路,左手邊: 舵石 前方: 韶音亭 右手邊: 寶珠峄

問左人決定先去韶音亭

去到我就知D人影相好靚果度就係呢個位..........



但我地見到既只係白茫茫一片~~~

你試下幻想連綿山脈,高低起伏,形態各異~~~



近小小既山會睇得清楚D~~~



當時雨越落越大,真係幾掃興﹗



@ 韶音亭 2樓
 


雖然咩都無,但我地仍然有拍照留念~~~



呢個就係韶音亭喇~~~


其實3日入面,最好天係第一日,第2日都OK,有小小雲.......

估唔到最重要既第3日先黎落雨.............



不過叫做上過下丹霞山LO~~~



幾經辛苦行返去纜車站,我地決定去埋寶珠亭~~~

上去果條路已經得人驚,有D級高過小腿,有D就好窄,窄到連企都企唔到...........> <



上到去都係白茫茫.....

J 話我地去左仙境........



留左一陣見無咩野就想落山喇﹗

又凍又支力 (真係行左好多級樓梯呀﹗)



@寶珠亭



我地由另一邊返落去﹗

點知就發現一條垂直90度既樓梯~~

見到都腳仔軟..........

J 驚驚中,我簡直唔敢行近~~~



之後我地決定唔用遮,2個人分開,睇下條欄杆.............=.=



90度又不平既樓梯,我覺得呢D係唔應該出現響一個咁出名既旅遊勝地..........



2個人分開行,如果一個跌親另一個仲可以求救~~~

講真行落黎果下真係心都離埋................

大約留左一個鐘,我地頂唔住要走喇﹗



講真如果計高度、景觀真係浮羅交怡好好多~~~~



4連1體之CABLE CAR~~~



之後落返山搭車,等左好耐都無SHUTTLE~~~

可能早餐食得飽,我地2個連LUNCH都無食,只係響丹霞山下食左2隻茶葉蛋.......

其實如果佢地設施做好D、TRAINING多D,咁一定會再有下次﹗



終於都搭車返廣州喇,我件褸D毛毛呀...............=.=



其實我地遲左,好彩火車都遲,18:40 上車返廣州

呢程車我地2個都體會到好多野,先係D人亂坐,之後隨地掉垃圾,最重要係火車D工作人員覺得完全無問題~~~

佢地掃左2次地,一大堆垃圾,衛生情況惡劣.......=.=

仲要勁搞笑,好多人SELL野,佢地應該係火車工作人員,大至按摩器,小至CARD 片套、牙刷、皮帶、吊嘴、去漬膏.............

以前都係賣下野食....點解而家會變到咁恐怖~~~



2個幾鐘不停SELL野,又嘈、又污JOE,我諗J 以後都唔敢搭火車﹗

不過RMB 38又真係好平呀﹗



響廣州火車站轉地鐵,到石牌橋站B出口,右手邊條馬路過對面就係炳勝~~~

到達時間係10:30,嘩,12個鐘無悽野呀﹗好餓﹗



佢個餐牌好大本,好多款食物~~~



呢2日食左好多濃味野,叫左個炒3鮮清一清﹗

估唔到咁好味﹗



呢個排骨都好好味呀﹗入哂味,又軟身~~~



老火湯 X 2 ,J 飲完一碗又一碗﹗



鱔汁粉絲,乾左小小,不過都好味﹗



魚頭豬肉水鬼重煲﹗

水鬼重即係豆腐,好滑,不過呢個算係呢餐最失色菜色~~

食完就搭的士返酒店 @ RMB 35,又係住返上年同RANDY佢地黎廣州住果間錦源國際﹗

位置OK,價錢 HK$ 390﹗(用左AGODA 積分扣左 $200)

好支力呀﹗

次日廣州半日遊~~