我D遊記實在UPDATE得太慢喇......> <
哈哈﹗希望呢幾日可以搞掂哂啦﹗
除左偏愛EVA之外我仲好偏愛我女朋友仔~~
不過我實在太衰，好耐都無搵佢.........
好彩一見到面就熟返﹗講極都講唔完...哈哈.......
無見咁耐都係一樣樣~~
都係咁QQ..........
好朋友就係咁唔需要成日搵，唔會計較~
無論幾耐無見，見到果種感覺好好~~
我要由上年9月到今年6月既野一次過同佢講..........
工作啦﹗JUSTIN啦﹗咁當然JUSTIN講得最多~~
佢又同我SHARE返屋企野啦﹗OMG~~
我真係MISS左好多SUPPORT你既機會...........
感覺大家好有交流，我其實真係好需要可以心靈交流既人同我傾計﹗
傾完舒服哂~~
I LOVE YOU~~
是日試左COCO 咖哩﹗哈哈﹗感覺麻麻.............
一早就想整本泰國遊記俾爸爸~~
果幾日佢不停問我呢度係邊，果度係邊.........
講真好多地方都真係唔知叫咩中文名
於是返到黎我就逐個地方搵返﹗
再整左呢本書.......
媽咪話爸爸好鍾意，睇完又睇睇完又睇﹗
希望爸爸身體健康，開開心心...
差唔多2個月無黎DICKEN'S BAR喇﹗
因為前2次水準差左好多......
今次食返穩陣既RIB EYE~~
味道又回復返之前咁喇﹗
我就揀返SPARE RIBS
好好味呀﹗JUICY~~
呢度又會繼續成為我地既飯堂 ^ ^
6月11日同JUSTIN去元朗既朋友屋企玩~~
當日落殊大雨，好彩99有車.......
佢地先去督波~~
玩完之後我地就轉戰大榮華﹗
第一次黎，當然試下D招牌野﹗豬油撈飯.......
D味都幾得意，好似老婆餅味..........
不過唔係都好特別~~
BOOT 仔飯﹗
佢好搞笑，碟碟都係$65
五味雞﹗都真係幾抵食...........
同行之EUGENE 同99
仲叫左蝦、鵝掌............
味道都OK﹗
不過炒長遠 = 乾炒粉絲就唔多值$65~~
OPENRICE個個人都叫馬拉糕﹗
味道真係好好~~
不過$65﹗唔太值........
下代都會再去食~~
4個人 $485.5都可以接受~~
食到好飽去左B仔買外賣~~
真係好大食LO~~
外賣都勁大盤....=.=
之後仲打左一陣牌...哈哈﹗我好勁呀，第一次贏錢，食埋字一式~~
因為張買一送一COUPON就快到期，見影評又唔錯，於是揀左呢套戲~
套戲都算愛情小品~~
係講一個傻瓜中學生自己同埋佢父母既感情關係﹗
我覺得佢父母係好襯﹗
佢地都有小小奇怪，同阿仔既對話都係好搞笑~~~
反而佢媽咪同疑似姦夫就唔多襯............
佢扮阿爸寫信俾阿媽、跟蹤、中間都幾多笑位~~
佢太緊張父母，反而忽略左自己女朋友既需要............
有時候睇大片同呢D小品最唔同就係小品既情懷﹗
今次個遊記實在UPDATE得太慢喇.........=.=
搞到平日既BLOG都出唔到﹗我只想記低發生既事﹗小字小圖啦﹗
端午節當日同JUSTIN屋企人去左EXCELSIOR食LUNCH BUFFET﹗
DINNER就食過幾次，LUNCH真係第一次﹗
其實無咩分別﹗不過LUNCH 抵好多~~
有機會都同屋企人黎食先..............
細個其實我都幾男仔頭，有同細佬D朋友玩，又睇男仔CARTOON~~
咁當然我都有睇美少女戰士啦﹗
X-MAN真係可以話由細睇到大~~
有戲睇當然唔放過啦﹗不過原來JUSTIN唔鍾意，早知同第2個睇﹗但係佢睇完都話好睇﹗
不過印象中無睇過呢一集既劇情，一開頭已經PROFESSOR已經係老人家.....
同磁力王對打.......
所以一開頭見到佢同識變身果個女仔一齊都覺得奇怪，明明佢地係敵人.....
同埋其實我唔知道MEGNEDO即係磁力王....哈哈.......
我就覺得成集都交代得好好﹗
其實呢2個壞人都好勁﹗
JUSTIN話應該係新角色~~
我細細個都覺得佢地好慘，同正常人唔一樣，但其實佢地比起正常人叻..........
同埋我相信有MUTATION嫁......
只係我地唔認識呢D人，或者佢地能力未到X MAN咁勁﹗
希望第2集都一樣好睇啦﹗期待............
響吉隆坡回程返香港既馬航航班上睇左呢套戲﹗
一睇個男主角就知係笑片+愛情小品
不過今次搭馬航真係有小小令我失望﹗
無獨立電視，坐位唔係太舒服，可能周邊太多小朋友﹗
好多喊聲，尖叫聲、仲比人成日踢櫈﹗都唔明點解D家長唔好好睇實個小朋友，影響到其他人都唔係幾好啦﹗
飛機餐又唔好味....=.=
講返套戲先﹗
男主角係一個整容醫生，之前臨結婚先知自己個老婆唔鍾意自己、唔鍾意自己屋企人.......
之後佢就一直戴住結婚戒指，情場浪子咁款、直到遇到"一生中最愛 - 彭美拉"
佢想定落黎，可惜俾彭美拉發現左佢個婚戒~~
於是佢就叫自己助手JENIFER假扮前妻，做一場和平分手好戲~~
黠知大話越講越多，中間真係好多笑話~~
特別係果2個細路﹗
佢地真係好好戲﹗
結局都係EXPECTED，不過都可以一睇﹗^ ^
終於都打到最後一日喇~~
響靚靚RESORT抖下，食下，之後就搭飛機返香港喇~~
9點半就起身，因為我地諗住JOIN 佢個ADVANCE CYCLING TOUR~~
因為我地10點要去到BEACH報名，之後10點半前食早餐，哈哈........
呢間既早餐唔係好多野食~~
不過都係慣例食果幾樣野﹗
食飽飽又落返去海灘﹗估唔到得我地2個JOIN呢個TOUR~~
一定要用佢果D頭盔....=.=
一人一架戰車.........
是日真係好好太陽，我踩左一陣已經FFEEL到自己BURNING.........
我以為個TOUR 半個鐘左右，黠知係個半鐘..........=.=
於是我忍唔住做左恐怖份子.........
哈哈......我真係好怕曬黑塊面........
踩左半個鐘左右真係頂唔住要行捷徑返酒店~~
估唔到只係出去左一個鐘，潮退得咁緊要.........
行到去我地房樓下水深都係腳眼..........=.=
行到返入房見到隔離，真係好淺水﹗
我一早REQUEST左LATE CHECK OUT﹗因為今晚架機成6點半，4點半去機場都唔遲.........
但搞左好耐最後只係可以1點CHECK OUT~~
其實呢D係小事，因為泳池隔離有得沖身同埋換衫，不過我地唔鍾意佢D態度，明明張CONFIRMATION 有寫LATE CHECK OUT，不過佢死都話個AGENT無同佢地講.......
就算無講，但我地問左，應該主動REPLY，而唔係呢個彈俾果個果個又彈俾果個....
沖完涼，HEA左一陣，1點就CHECK OUT喇~~
我地去左酒店另一邊既餐廳，不過又唔係好肚餓，呢邊就係D人話日落好靚果邊BEACH喇~~
UGLY~~
之後我地去返酒店門口果間CAFE~~
叫左一個面，一個薯條2杯野飲..........
望住隔離D人放風箏，食下野，飲下..........
真係好舒服.........><
食飽飽又去泳池玩左一陣~~
潮退到好遠好遠呀~~~
不過都仲係好鍾意個天同埋D 屋仔...........
真係要走喇~~
下次未必會再黎喇，因為太遠.........
4點半準時上車，5點3倒就到機場，我地CHECK IN 完就去左食SECRET RECEIPT~
哈哈...真係款款CAKE都係好味~~
JUSTIN既慣例係唔會帶用淨既錢返香港，佢好想用哂佢....
買下買下搞到FINAL CALL都去唔到個GATE，搞到D人行出黎搵我地..........=.=
下次唔好預到 "忟" 喇..........
安全返到香港、返到屋企，每次TRAVEL 完，我都好掛住香港嫁.........
YEAH!!!完~~
下一站我想去越南 ^ ^
