湊仔戀咁嚟 (Life As We Know it)

好似好耐無睇戲咁喇~~

其實對上一套只係resident evil......

可能之前睇好密，而家就疏好多，感覺好耐無睇~~

上回講到我地買左一個7一個10，好彩最後都一齊坐~~

位置仲好好 ^ ^

個BB真係好得意呀﹗

又想睇D輕鬆D既戲~~

雖然.................

套戲開頭都幾傷感~~

BB父母都意外死左...........

唔知點解見到佢父母死左，得返佢一個感覺好傷心呀~~

於是佢地既一對好朋友就負起照顧既責任~~

2個本身並唔相愛既人要一齊負起咁大責任，當中一定有好多掙扎﹗

呢個係一生一世既責任......

當中一定有好多苦惱~~

BB 要24小時要人照顧住，2個人於是分工合作﹗

但2個人都有自己工作，其實真係好唔容易~~

其實就算簡單如食飯都可以是一件苦差...........

所以屋企人真係好重要~~

除左體力同心力之外，仲要有足夠金錢去支持開支..........

但一個新生命可以帶俾你既歡樂真係有好多﹗

由識企、到行、會叫媽媽、爸爸，一直付出都係值得嫁~~

而家既我好努力儲錢，我知道如果唔儲，這輩子我都無能力可以擁有任何野.....

慢慢，慢慢我會好返，慢慢，慢慢我會再次準備好﹗

太古必食- 屋台屋

上星期五 Happy Friday，我好想去睇戲，不過響times 同JP 都無位﹗

於是就去左太古，要Justin走黎走去真係唔好意思~~

其實太古都無咩好位.....

不過我地搵到個7同10既位，中間俾8、9隔開左﹗

我提議買呢2個位，叫8、9坐過一個﹗

哈哈﹗Justin話我咁做好冒險~~

其實都唔係呀，一個位jei﹗同埋就算真係唔肯咪當第一次自己去睇戲﹗

幾好玩呀﹗

睇戲之前當然係食野先啦﹗

一如以往又係屋台屋~~

Justin's set 有魚生....

同蕃茄拉面﹗

個拉面真係唔錯嫁~~

我就揀左(細)海膽炒飯，唔知做咩呢排好愛炒飯~~

呢個份量其實唔細~~

同埋一個魚子茶積飯﹗

哈哈﹗其實我揀錯左，2個都揀左飯......=.=

最後當然食唔哂啦﹗

味道好好，價錢ok~~

所以好多時去太古都食呢間.....

近排

唔經唔覺返左新工一個月lu~~

其實大部分既野都take-up左﹗

忙其實都唔算係好忙~~

係有時候有d無聊野會花費我好多時間﹗

放左工大多數都係返屋企 / 同Justin去街.....

好似好平凡咁，不過唔知點解個人都仲係好支力~~

唔知由幾時開始，我鍾意左Thomas呀...........><

可能係覺得好多好得意既細路都鍾意佢....好得意呀~~

響銅鑼灣有一間3-4層既玩具鋪﹗有好多Thomas呀~~

希望之後仔仔會鍾意Thomas啦﹗

上星期五(10月22日)

我地又去左Dicken's Bar，今個月原來係德國月

又有新野可以試喇﹗真係好~~

叫左個鴨胸+鴨比~~

呢個好好味呀﹗個鴨有好多肉汁~~

個d薯容都勁香﹗love it~~

仲叫左個Crispy雞~~

呢邊個薯仔無人食，因為另外果個好好味同埋份量已經好多~~

個菜都勁新鮮~~

但係個雞就....乾身左小小同埋唔太入味~~

星期五仲有甜品送﹗真係大滿足呀~~

呢個面包布甸都好好味ga......><

屋企終於都開始左裝修喇﹗

一切煩野都應該可以settle down喇~~

(不過間裝修鋪唔多老實，之前明明話包埋toilet個洗手盤，不過我地想自己買料俾佢整﹗之後唔記得寫落contract，而家我地睇唔岩，想叫佢整佢話要再收錢~~)

真係咩都白紙黑字好~~

而家我都開始睇傢私，好鍾意呢張梳妝台呀﹗

Franc Franc d野真係好fancy ^ ^

希望快d搬到返去啦﹗

裝修真麻煩

2星期前Justin屋企開始左裝修~~

9號果個星期六日差唔多都係幫佢執野......

11-25做左2個幾星期差唔多搞掂~~

再多2日就可以搬返入去喇~

我屋企就呢2日開始裝修﹗

15-16號佢就過左我屋企幫我執野..........

真係足足執左2日都未執好....=.=

我pack左total 5箱野去個倉﹗

其實已經掉左好多野，以前有keep既中六、七同space既 note都掉左差唔多2箱....

公仔、舊衫~~

真係唔執唔知自己多野....><

仲要我地執完唔係羅過去租果邊~

而係放響倉即係我地要諗埋之後果個半月要用咩、要著咩..........

雖然執左咁多，不過其實仲有好多日用品唔可以pack~~

媽咪又勁緊張，一個月前已經叫我地pack....=.=

媽咪好心急咁幫我地pack野，不過根本上其他人係無可能知道我/細佬有咩要有咩唔要.....

之後又係要執返出黎，搞左一大餐得個吉....=.=

唔知係咪呢個原因成個家呢排真係勁忟.......

唉﹗大家都勁大壓力呀﹗

直到今日我地一家人會搬去大角咀，希望裝修順順利利~~

我地可以快d返到原本既"家"

個半月好快過jei~~大家加油啦﹗

返新工

9月27終於都完成左我響教育局一年10個月既工作~~

28號我就即刻返新工喇~~

其實我份新工有小小特別，我係響學會主席既office返工﹗

全個office都成2x - 30人﹗

不過佢地全部唔係我同事，佢地係主席公司既人~~

而學會只有我一個員工﹗

雖然係咁不過大家都有一齊食野﹗

唯一係唔會一齊做野﹗

不過都ok，好多council members都會幫我~~

感覺都唔錯

呢3個星期已經做左好多唔同既野﹗

meeting啦﹗cocktail party啦﹗出信啦﹗約人meeting啦﹗

其實都幾多coordinate既野要做~~

而我亦學左好多關於建築 / urban design既野~~

9月最last 1 日我就同左Justin去Outback steak house Dinner~~

公司d人好似對衣著好有要求，我已經著得比教育局果時端莊既衫﹗

不過佢地都話要再著formal d............=.=

又係黑糖包包~~

又係meat lover~~

係呀﹗我就係果d覺得果樣野好味就唔會轉食第2樣既人﹗

希望新工會keep住開心啦﹗

雖然有時都迷迷地唔知自己做咩....=.=

Aunt生日快樂

話完Uncle生日話咁快又到Aunt生日﹗

佢地生日差一個星期﹗

仲要連結婚紀念日都係響10月﹗哈哈﹗係咪想一次過慶祝!!???

是日我地去左Excelsior 既Top of the town 食Brunch~~

其實食物都係同上次差唔多﹗

呢張係唯一既食物相﹗哈哈~~

唯一既合照~~

唯一吸引的地方就係window出面既風景﹗

但成$500一個人............

我覺得唔值~~

希望我同Aunt 關係會再好d........哈哈﹗

Uncle生日快樂

10月9日係Uncle生日，因為要整裝修既野，我地只係簡單咁食左個晚飯~~

是次揀左銅鑼灣金百利樓上私Wulala法國餐廳﹗

我諗唔到可以買咩，於是就響酒店買左個蛋糕~~

呢個係低脂蛋糕，好岩生活健康既uncle~~

頭盤我揀左田螺﹗哈哈﹗都幾好味~~

不過如果連埋D姑一齊食既話就會淡左小小~~

Justin叫左鵝肝，味道都ok啦﹗

Aunt 同Uncle就叫左帶子，都幾好味~~

湯我揀左蕃茄清湯﹗

呢個好好飲呀﹗真係湯不可以貌相~~

龍蝦湯都唔錯，不過要加$35，我感覺唔係好抵~~

主菜出場啦﹗2個傻人當其他人唔響度~~

帶子意大利飯~~

味道都幾好呀﹗估唔到3款main dish 係呢款最好~~

因為我同Aunt一樣揀左羊架﹗

可惜全餐最令人失望就係個主菜~~

真係無得同Excelsior比呀﹗

甜品我地叫左4款﹗個批同焗Berry都好味呀~~

當我地勁飽，講緊笑.....

突然播生日歌，我地勁尷尬，因為無諗過而家食蛋糕﹗

仲要個侍應以為我生日....=.=

哈哈﹗不過Uncle應該都開心既~~~

身體健康，日日都開開心心最緊要﹗

而我最希望就係我地2個人既步伐可以更一致~~

你要努力追我呀~~

煩到爆炸~~

轉左新工之後真係忙左好多~~~

不過我覺得都充實左好多﹗

雖然係好似好多野要做.....

不過其實我都可以自己arrange，邊日做咩先﹗

都算慢慢適應緊﹗

以前既我覺得自己方方面都唔錯，只係未搵到份好工﹗

到而家我搵到喇﹗不過又發生左其他野令到我完全不知所措~~

其實我一直都無勇氣面對呢件事﹗

我只係可以將傷害減到最細，我自己衰好喇，唔好累人﹗

我一直都係咁諗所以我先可以行落去.......

但中間我流左好多好多眼淚，多到我以為自己已經唔會再有眼淚喇.......

件事都過左2個星期，好唔容易我既生活慢慢回復平靜~~

點知原來你好唔容易過左一個難關，原來仲有第2個黎緊﹗

而今次我真係唔想再行喇~~

連我自己都唔知點解會咁堅決﹗

可能到最後我會有事，但我覺得都唔緊要喇....

芷慧話只係差一小步，紀然之前揀左應該行落去﹗

其實之前我根本無得揀，我"朋"咩去揀，我根本連揀既資格都無~~

我真係無勇氣，我已經唔知道行落去係為左咩......

我真係唔想再經歷~~

當一個人對所有人事，包括自己都哂無信心既時候，我諗只有佢會明白我﹗

曾經我都以為自己會得到幸福﹗

我以為我搵到個好錫我，好愛我既男朋友，但原來愛都係唔能夠overcome所有野﹗

Justin都有問我點解我對佢無哂信心都仲同佢一齊!!???

其實我都有諗過分手，我都唔知點解仲會一齊，可能我仲係好愛你掛......

而家既我只係想過我一日得一日﹗到之後有事先再算~~

可能對好多人黎講件事過左就係過左，但對於我其實真係影響好深﹗

我到而家都唔明自己點會咁.....

其實我只係想簡簡單單開開心心~~

但我知我唔得喇~~~

唉﹗仲要我地2個屋企同一時間裝修....

煩死人喇~~

生化危機 Resident Evil

其實我之前一集都未睇過~~

因為睇戲暴力血腥一向都唔係我杯茶......

不過Justin話想睇，咁我就先同佢追返1-3集先﹗

估唔到睇落都ok~

第1同2集都好好﹗第3集就差小小，到而家搞埋3D，都覺得麻麻~~

10月8 去完公司個COCKTAIL PARTY都成8點半.....

是日約埋Polly、阿輝睇戲~~

而Carmen就黎左食飯﹗

返工既我係咪著到好斯文呢......

all are black~~又著裇衫~~

到底去唔去disney好呢...............

同埋睇唔睇童眼好呢................

好講返套戲~~

第一集係講Alice同埋一班特種部隊去到the Hive，發現死左既人因為T Virus 而復活，其實中間都有好多精彩野﹗又發展得快~~

都打幾多喪屍﹗哈哈﹗咩事連我都鍾意睇埋呢d野呀~

第2集係話Alice響Raccoon city救博士個女.....

漸漸地喪屍同地球既6係好似越來越近喇~~~

第3集其實已經去到地球上人類差不多已經滅亡~~

Alice帶住一班生還者去尋找no infection既shelter.............

其實呢一集已經小左好多打喪屍場面，同埋好似無前2集發展咁快~~

呢一集一開頭去左日本﹗

wow~~好熟悉的感覺呀﹗哈哈﹗估唔到仲有中島美加....=.=

之後就話佢搵到Claire，但失左憶..........

全集其實真係無咩發展~~

同埋我地都唔明點解d 喪屍會勁聰明..........><

搞咁多野整3d，不如諗好d個故事啦﹗

國慶假期遊深圳

2010年10月1日﹗

我以為10月會有一個新開始，一個好開始~~

唉.............我幾時先可以好返..........

假期真係人山人海~~

訓醒唔知點解好想食燒味飯~~

於是就去左泰興﹗

食完上到去都差唔多3點喇...

不過只係想行陣﹗

行完一陣就過左去之前上網search左既江南小廚度食晚飯~~

(好似係叫呢個名﹗我都唔太sure，響萬象城4樓﹗)

都要等位嫁﹗等左差唔多半個鐘~~

我地叫左個醉雞、同埋得獎魚塊

個雞雖然好細，不過味道唔錯﹗又唔貴

個魚就差小小，甜嫁.....有點怪~~

仲要勁多骨...........=.=

Justin最怕~~

我地仲叫左西湖牛肉羹、蟹黃扒時菜.....

2個都好好味~~

Justin當然又想試咕嚕肉啦﹗

呢間真係整得唔錯﹗個皮食左好耐都仲係脆 ^ ^

不過入面都係無咩肉，得d骨....=.=

呢餐 rmb$280，好味就good喇~~

萬象城係好似香港既商場~~

食飽飽行左陣超市就返香港lu~~