星期日訓到晏一晏先起身......
之後梳洗一番就出門口飲茶去~~
因為附近都無咩酒樓，所以我地要搭車去香港仔...
3點開始飲，飲到4點半﹗
下午茶真係好抵，不過富臨真係太多人，都唔夠人手﹗下次都係去新光吧啦﹗
不過我地係食Lunch ga~~叫左好多野，都係一百蚊﹗應該有8個點心呀~~~
之後就去左香港仔街市買送，我最鍾意蒸魚，又easy又好味﹗
今次仲試左蒸新魚 - 紅柚 (唔知係邊個柚)
呢種魚太散喇..都係"魚倉"魚好味.......
仲整左Justin最鍾意既芽菜﹗
之後就一齊返屋企休息下、睇下電視、再一齊整飯﹗
wahahahahahaha~~唔知之後結左婚仲會唔會係咁簡單同Sweet呢!!!!????
佢話2月30就同我結婚wo~~
PS: 朱古力怪試左美心惡魔蛋糕
其實都幾大個，$148就唔係好抵喇~~~
不過可以試下﹗Justin就話好好味﹗
佢會俾d朱古力脆脆，鍾意可以加落去﹗
我覺得隻味係good gei~~不過就太痴牙喇~~
其實都幾得意﹗
不過太多Cream喇~~我唔好Cream ga ma~~
第一次食米Pizza~~不過個個都食到勁辛苦﹗硬同埋太痴牙喇~~
其他菜式都一般，可能係我地唔識欣賞~~~
睇左廣告一直都想試下，咁岩地帶有咪買支試下﹗
OH~~不過原來唔係好掂，好似思樂冰咁.....同埋得頂有，底果D好快溶哂......
我覺得芬達果個JELLY會好D~~
Winnie勁推﹗我就同Irene佢地去試下.....佢地食Chocolat我就食香桃乳酪~~
好似雪米慈咁~~~
要等5-8分鐘先食得，不過我果粒等完都仲係好硬....=.=
個味都幾好....不過真係太硬喇....wahahahahaha~~
唔知有咩promotion活動，好多人羅住好大扎氣球~~~仲一次過放上天，好靚
之後當然係去食飯啦﹗
好彩都可以9月之前食到個飯.........
除左米Pizza之外仲2有意粉、甜品
佢仲有d特別野飲ga~~
不過唔好飲ga~~藥水味.....=.=
蘇菲最後都係黎唔到，大家都工作忙，明白既~~~
所以想齊人真係唔易ga~~
蟹棒意粉，同西式好唔同，我自己就鍾意西式多d~~~
味道ok~~不過好散....
haha~~test tube~~
我地呢個係熱情果，唔好飲.....
Shirley只係想開餐jei~~
算喇~~當幾funny影下相吧啦﹗
牛油果沙律~~~
唔食芝麻既我無點到d汁~~~
粟米薯餅~~
呢個都幾好味~~
呢d唔會唔好味ga wo~~~
米Pizza出埸喇~~~
我地叫左大批，因為知道佢個底好薄......
不過最後有3塊係俾人食左個面無食個底ga~~~
真係要問一句咩事咁硬....=.=
都係食甜品最開心~~
雪糕 + 甜薯蓉....
呢個有d無味既小丸子，加埋d糖都可以既~~~
呢杯最好味.....個粉紅色雪糕同埋下面個醬都好~~~
雖然d野食唔好味﹗不過可以Gather 下都好開心﹗
Irene Happy everyday~~
唔知道大家有無幻想過坐住氫氣球升上天呢????
細細個已經好鍾意氫氣球可以飛起﹗成日都諗可以坐住佢飛去第2個地方就好喇~~~
其實上次睇Ice Age，咁岩睇到呢套戲既片頭已經好想睇﹗以為實笑死......
真係無諗過佢會咁感人.......
真ga~~好感人，當我睇到卡叔翻看老婆果本歷險故事的時候，我真係忍唔住喊左......
7彩氣球真係好靚.......
傻頭傻腦小飛真係搞左好多爆笑野﹗
仲有真係估唔到黎耀祥係幫隻狗狗配音，俾d狗狗笑到死左.......
開始短短幾個片段已經可以讓人溶入卡叔同佢老婆果段感情，如果可以好似佢地咁開開心心就一齊幾十年真係好﹗
到老都要拖住大家﹗
不過我地唔可以太執著卡叔執著於自己幾十年前對老婆的承諾，而探險家就執著於別人對自己的不信任.......
在適當時候懂得放手，不但會令自己活得更自在，也令別人鬆一口氣﹗
值得推介
同Justin講左好耐，話想睇呢套戲......
上左成個月先有時間去睇﹗
可以選擇的戲院已經不多了﹗
又係MCL康怡......
Justin買左飛先，佢仲同我講話沖天救兵已經full house
佢買左機器俠，我唔信佢，佢就話同我gamble $100，我地1真係好無聊...到最後當然係我win啦﹗wahahahahahahaha~~
之前Justin響太古返工，佢都熟呢邊有咩好味.....
今次我地揀左佢未食過既越棧﹗
2個人叫左3樣野，豬頸肉湯粉絲、蔗蝦仲有香芽雞亦
個粉絲好味呀~~~我好鍾意食粉絲ga~~
個蝦就差喇~~無咩味...條蔗仲.....總之好難食啦﹗
個雞亦就油左d....不過以咁既價錢都ok啦﹗
其實我好鍾意呢d香口野ga~~
不過都係小食為妙~~
見完芷翹之後我就直接由沙田返去香港仔~~
Justin上Openrice見到呢間餐廳食評好好﹗於是我地就去試下喇~~
水準真係唔錯，不過如果地點方便d就更加好喇~~
一入去已經有個蝦片俾你試下﹗我好鍾意食ga~~不過減肥唔可以食太多﹗
主菜方面我地叫左個炒金邊粉﹗水準都係有ga~~好味，d料又多.....
燒雞一隻，佢真係好大好大隻，d肉都好滑，仲要唔貴，好似 $68 ja~~
我地食唔哂，淨左一半，因為實在太大喇~~
呢個燒鱔片勁好味~~~外片脆，而仲保持到d肉唔乾身，唔點隔離個醬都好入味，真係勁好味~~
仲要無骨果下更加正......
叫左個Garlic Bread~~好大陣蒜香味~~外脆內軟﹗仲好熱ga~~
呢一餐加杯青檸冰就真係正哂喇~~
最後仲會送個甜品俾我地﹗呢個糕都好正﹗好香椰子味﹗
下面係一層西米，所以唔會太甜~~好味﹗
不過一家人黎食會更加好﹗好想試下佢個蟹同烏頭~~
