因為之前一晚訓唔著成個人都好支力﹗
所以最後都無返工﹗留左響屋企﹗
不過都係訓唔著，一早起身就洗衫﹗
成個星期無洗衫喇﹗><
之後就執房﹗
好野﹗終於都執得七七八八喇﹗
叮返之前一晚準備既飯盒﹗haha~~咁似返工既!!!!
晏晝又繼續執房﹗
之後就落左街買野同還VCD﹗
買左D閃閃石﹗好靚靚呀~~~
終於都睇哂密陽﹗
可能套戲太黑喇﹗(係個情緒好黑﹗)
搞到成個人好唔開心﹗
其實套戲都幾悶﹗
頭既一個鐘﹗
我仲係好唔明點解全度妍可以羅最佳女主角
不過最尾果半個鐘完全改變左我既睇法﹗
原來有演技都要有好既劇本、好既鋪排﹗
um~呢套戲真係會令人有精神病﹗
其實呢個次序問題之前阿風都同我講過﹗
我覺得佢一定接受唔到呢套戲﹗
之後就整返份gift﹗由五/六點一直整到一/二點﹗
都未整好﹗不過見到幾靚都幾開心﹗
希望Justin會鍾意﹗
好耐都無約過女朋友喇﹗
見而家大家都得閒d 就約出黎見下先﹗
因為佢要晏d先到﹗咁我就響灣仔等埋Justin叫佢陪我一陣﹗
行左一陣188﹗
如果我係你我會去返5cm買多d﹗
同埋唔鍾意果度d人態度唔好﹗
之後趕過去MK﹗哈哈﹗女朋友同之前一樣都係咁靚﹗
我地行左一陣朗豪坊﹗去左潮特﹗
因為我仲未買Anniversary Gift﹗
幾經辛苦終於都揀到﹗
同我心目中想要既好接近呀﹗^ ^
但仲有好多後期要整﹗
個封面要搵d野遮住果2個字﹗
仲有一大堆剪剪貼貼﹗
不過都好開心﹗
仲見到另一份禮物﹗好﹗一次過送2樣先﹗
買完之後就去左食米線﹗
食之前仲食左丸子同埋魚蛋﹗
2個大食婆﹗
同女朋友相處既時間總是令人感到很舒服﹗^ ^
每一日我都覺得自己好似鬼咁﹗
無靈魂﹗
一早九點前返到公司
903 – 晴朗的一天出發
嘻笑怒罵﹗
Heeheehaha知道更多時事﹗
RTHK – 風騷快活人
其實同晴朗係類近節目﹗
但比晴朗更豐富﹗都係開開心心聽下新聞﹗
Lunch time~~
最鍾意 903 - 五天精華遊
帶你食好野﹗enjoy生活﹗
903 – 萬世巨星
有時真係好好笑﹗忍唔住會笑左﹗
如果無左Radio我會即刻唔做﹗
因為真係好悶﹗好辛苦﹗
好彩﹗唔洗用腦﹗
原本想轉工了﹗不過個個都叫我唔好住﹗
因為仲有4個月﹗而讀書都係仲有4個月﹗
時間希望過得快d﹗^ ^
星期六日都留左響屋企睇電視﹗
睇返 <<古靈偵探>>
一口氣睇左十幾集﹗
結局反而睇唔到﹗因為原來加長左﹗
而家都係慣性咁錄左一個鐘﹗
不過唔緊要啦﹗
中間精彩就好喇﹗
我真係覺得幾好睇﹗^ ^
好鍾意推理故事﹗
仲煲返 <<最美麗的第七天>>
um~~可能故事真係有d低B﹗
但係唔知點解好鍾意周麗淇同鄭嘉穎既組合﹗^ ^
就正如Stephy同方力申﹗
總有好襯既感覺﹗
係星期日出左一出去食tea﹗
我間好亂既房幾時先可以執下佢呢???
懶鬼﹗><
租左<<密陽>>同<<雛菊>>
成日響Justin屋企睇戲都好清﹗點解呢2隻vcd咁濛gei???
原來係因為Justin同我一齊都係睇DVD﹗
Oh~~原來我隻眼俾你寵壞了﹗
好野﹗Lost in blue 3 就打爆喇﹗
加油﹗要帶住bf佢地一齊逃出荒島呀因為之前一日Justin響G2000 睇中左一件Shirt﹗
不過太夜關左門，所以又去多次Kln Bay﹗
行左一陣﹗就返去我屋企﹗
晚餐太難食了﹗><
B﹗下次唔好食咁Salty 啦﹗
<<春光”炸”洩>>
之後不知不覺訓著左﹗
零晨才回家﹗
之後一齊睇波﹗Liverpool : Chelsea
之前都試過陪佢睇波﹗不過咁夜都係第一次﹗
我唔係好識啦﹗(連謝拉特同林柏特到而家都唔識分﹗)
不過都覺得Liverpool踢得幾好﹗
可惜最後一個烏龍波搞到一比一收場﹗
始終波真係圓既﹗唔到last minute都唔知輸贏﹗
雖然Justin係支持Chelsea﹗
不過佢都覺得Liverpool踢得好d﹗
哈哈﹗不過最好睇既係d人既反應﹗
睇到差唔多5點﹗都有d 支力﹗
不過Justin仲唔捨得訓﹗
我地2個傾計應該傾到6 / 7點﹗
傾左幾時可以一齊住﹗
傾左意見分歧既結婚、生仔﹗
哈哈﹗都唔明點解要傾呢d﹗
之後就一直訓下醒下﹗訓下醒下﹗
訓到3/4點﹗原本想去唱k但係太晏喇﹗
Justin夜晚要去同朋友食飯﹗
我原本都返屋企食野﹗
不過最後好彩有人陪﹗
同左阿風行鑽石山﹗
食埋野傾左一陣就返屋企喇﹗^ ^
響馬沙睇中左對鞋﹗
Sorry呀﹗我又亂發脾氣﹗haha~~~
不過我都係自己唔出聲jei~~~
同一日有3樣野要做﹗我一早已經話需要3個Cherry﹗
無返工呀﹗留左響屋企溫書﹗
同媽咪食Lunch~~
臨出門口之前媽咪再整左粥仔俾我食﹗
媽咪你真係最好既媽咪﹗
之後我出門口之前kiss左媽咪一下﹗
佢話”乖﹗咁耐以黎最乖今次﹗”
禮物唔係最重要﹗我地既愛先係最重要~~~哈哈﹗
之後就考試喇﹗2個小時﹗過得好快﹗
可以話盡左力喇﹗哈哈﹗成績係點﹗而家都已經唔重要喇﹗
Justin響學校樓下等我﹗哈哈﹗到佢等返我﹗
仲即刻俾左份禮物我﹗
我咩都未準備好﹗呢幾個星期真係好忙呀~~~
之後我地就過左去德福買左隻介指俾媽咪﹗
個款係Justin揀既﹗希望媽咪鍾意啦﹗
買完介指我地行左一陣﹗
佢買左件褸﹗哈哈﹗”如果唔係鍾意我都唔會試咁多次﹗”
你真係好得意呀﹗^ ^
之後我地就一齊食野喇﹗
折禮物~好靚靚呀﹗
一個盒一個杯仲有handmade 花﹗^ ^
每一份Justin送俾我既禮物都一定會有一樣野係handmade﹗
如此細心、如此獨特﹗
是你令我超級快樂﹗
要跟你永遠開開心心在一起﹗
簡簡單單的週年紀念﹗
Bookmarked : “愛你一萬年﹗”
因為細佬星期一至三都過澳門﹗
媽咪星期二就返大陸﹗
而我星期一又考試﹗
所以就提早出去食餐飯﹗
(仲有爸爸未返黎﹗)
原本想去附近八喜﹗
但好多人，等左半個鐘都係過左幾個號碼﹗
之後就改左去酒樓﹗富臨~~~
媽咪平時都係同朋友黎呢間飲茶﹗
而我同細佬應該都係第一次黎﹗
平時我地真係好小會同媽咪爸爸飲茶﹗
3個人4個菜﹗
咁就 $300﹗都真係覺得唔抵﹗
同埋最重要係一般好味﹗
個粟米魚肚”更”好salty~~~~
好彩換左第2個﹗
我唔鍾意茶樓既第2個原因係好嘈﹗><
不過可以一家人一齊食下野已經好開心﹗
哈哈﹗我仲未買到介指俾媽咪﹗
媽咪你要身體健康﹗日日都開開心心﹗
好好地同爸爸2個人享下福﹗^ ^
我同細佬會好好孝順你地ga~~~
放左工等埋Justin我地就過左去銅鑼灣﹗
佢去踢波我就去中央圖書館溫書﹗
點知中央九點就關門喇﹗
而Justin就十點先踢完﹗
可能環境好安靜﹗我溫得幾好﹗
(因為exam我有答呢日溫既呢題﹗而又答得最好﹗)
咁我就一個人響公園打機﹗同傾電話﹗
好我意呀~~原來個公園有好多貓貓﹗
點知Justin十一點先黎到﹗><
唉﹗算喇﹗佢都唔想漏左對鞋響球場﹗
之後我地就一齊返屋企喇﹗
訓醒又一邊食野一邊睇< >
見鬼既外國版﹗
無港產咁恐怖、心寒﹗
原來個劇本好係真係咩人做都係好睇ga~~~
個女主角都幾靚wo~~~
又鍾意另一個外國女星喇﹗
之後一定會睇更多佢既戲﹗
太大雨返唔到屋企﹗定係你唔想我返屋企呀??
離去時總是依依不捨﹗
媽咪返左黎﹗^ ^
明明諗住叫Justin陪我羅返個電話﹗
點知陪佢羅完醫生紙同埋羅完電話之後已經差唔多8點喇﹗
因為約左winnie星期三晚買5cm果件衫﹗有7折﹗
之前Justin睇中﹗(我想買俾佢做週年禮物﹗)
於是叫佢去試下﹗
又去chocolate睇下﹗
可惜最後佢話唔係太岩心水﹗
見5月頭Justin有4日假﹗而我既年假又未放哂﹗
於是我地就諗下可唔可以去一個短線旅行﹗
去左旅行社問下﹗
台灣??不過Justin係美國passport要21日之前搞visa﹗
我想去沙巴 / 浮羅交怡 不過好full 下﹗
而家咁急應該唔得喇﹗
而家都唔知去邊好﹗><
之後行下行下都9點喇﹗
所以都係食埋野先返去﹗
等百幾個板前、等幾十個既板長、等幾個既羽壽司
算喇﹗未食過羽壽司試下啦﹗
一般啦﹗d飯好散呀~~~
不過超搞笑﹗勁多Staff問我地有無叫呢個果個壽司﹗
我同Justin話食左先算喇﹗hahahaha
個xx貝好脆﹗
下次未必會再食返﹗
仲要計錯數﹗><
之後十一點先返去﹗
點解無端端行左街gei~~~
原來一星期無打blog喇﹗
因為上星期一直都忙緊個功課﹗連返工都一樣﹗
等我記低返上星期去過邊先﹗
星期一同Emily食完晚飯就一齊返學﹗
不過阿sir無幫我解決個功課既問題﹗﹗
星期二應該放工就返左去屋企做功課~~~
星期三請左一日假去做功課﹗
不過都有煲下湯煮下飯~~~
Justin放工就過左黎陪我﹗
星期四都有諗過唔返工﹗
不過因為唔想又留響屋企於是就返左工喇﹗
放工就返左去屋企做功課~~~
其實進度到星期四都係一半左右﹗><
4500 字做左差唔多2000字﹗
星期五又返左工﹗無心機做功課~~
放工去左Justin屋企﹗
佢有教我點做﹗
不過last part仲係做開個頭﹗
星期六一早起身﹗之後做3:30就send俾阿sir~~~5點deadline喇~~
可惜last part得 1000字﹗唉﹗算喇﹗﹗
寫寫下都唔係好知自己寫咩﹗
換左衫就出去搵Justin喇﹗
佢同Eugene響旺角過黎九龍塘搵我﹗
3個人一齊去深圳﹗
(搭火車撞到肥a﹗哈哈﹗笑死﹗)
訂左台食大漁6:30 食完10:00就去按摩﹗
點知我地遲左半1個鐘﹗張台俾左人坐lu~~~~
之後食左一間叫做九千既中式粒似酒樓﹗
佢有成幾十款﹗多野食到呀~~~
不過好多都係辣既﹗
點左鴨舌、手撕鴨、豬骨鍋、露筍、炒花甲仲有一個娃娃菜
我最鍾意個炒花甲勁香﹗好好味呀^ ^
Eugene就最愛個豬骨鍋同娃娃菜﹗
個菜好味不過好辣﹗
Justin最鍾意個手撕鴨﹗好入味﹗
個露筍令我諗起之前個email~~
哈哈﹗唔知我地食果個係咪塊指喇﹗
都幾抵呀~~一個人都唔洗一百﹗
好彩Eugene個胃口好好﹗如果唔係就食唔哂﹗
之後就去按摩喇﹗十點開始﹗之後一直按到2點﹗
今次覺得師傅應該比較支力﹗無上次咁勁﹗
我按按下可以訓著左﹗
之後去左休息室飲杯野﹗睇一陣電視就返香港喇﹗
返到屋企又係六點幾﹗
發現有一個台灣唱歌節目﹗好好睇呀~~
最後埋單3個人都係$450﹗﹗
而家RMB貴左好多﹗
唉﹗﹗$400換到353 RMB ja~~~
星期日當然係留家打打機、煮下飯仔、洗下衫啦﹗
Justin又再開始踢返波喇﹗希望仍然會有好多時間陪我﹗
唔覺唔覺佢無踢波個幾月﹗知道d波蟲搞到佢好辛苦﹗
可以踢即係好返﹗係一件好事呀~~~只要唔再受傷就好喇﹗
仲要第一次出返場隊波比賽就贏喇﹗^ ^永遠支持你﹗
星期五上唔到大陸﹗咁星期六起身就上去喇﹗
天氣好好呀﹗心情真係超好﹗
970X --> 火車 四點幾就到羅湖喇﹗
去到就換錢之後去左整眼睫毛﹗
好似唔係好夠長wo~~~
不過人地話夠自然﹗
我整左大概半個鐘﹗
Justin就響度打機﹗好搞笑俾2個細蚊仔圍住﹗
我隔離個婆婆好潮﹗不過好煩﹗
仲話我同Justin個樣好似﹗><
之後我地就搭mtr過去東門﹗
第一次搭深圳既mtr感覺幾好﹗好光猛﹗^ ^
仲見到個靚仔﹗哈哈﹗
之後行行行﹗其實都無咩買﹗
見到街邊就咁有人賣狗狗﹗好陰公呀~~~
佢地個樣好得意ga~~~
行到差唔多9點就搭的士去食野喇﹗
食Justin上次同爸爸媽咪食果間西堤牛扒﹗
前菜、沙律、湯、主菜、甜品、餐飲加埋有7樣﹗
同埋$100都唔洗﹗
好抵同埋都幾好味﹗^ ^
食左差唔多2個鐘﹗就再搭的士過去新美姿﹗
勁嬲呀~~
架的士轉左個彎就話前面好多車
如果去火車站要排半個鐘叫我地落車自己行﹗
我心諗點解要搭的士就係唔識路﹗唔想行﹗
咁做生意都得gei~~~超討厭呀﹗
仲要收我地$20﹗
第一次響呢度按﹗係名風介紹既~~~
換左衫就上房﹗
wa~~師傅話我條腰有d位側左﹗腳又係長短﹗
好彩佢話我去2次就會好轉﹗
按左2個鐘﹗好恐怖呀~~~~我俾佢按到d骨好似散左咁﹗
不過最後都係幾舒服gei~~~
而Justin條頸師傅就話比較麻煩﹗
要黎多幾次﹗如果去佢開既果間水療會可以幫佢針灸會好快d﹗
不過針灸好似好誇wo~~~
因為我地2個用同一個師傅﹗所以整整下都3點幾喇﹗
個師傅俾左張VIP card我地﹗
原本要$138既中醫雙鐘﹗而家$108﹗抵~~~
咁我地就一人俾左$50 tips 個師傅喇﹗
我地一齊去左休息室坐左一陣﹗
諗緊點好﹗
最後決定即刻走﹗
又搭的士去皇崗口岸﹗
(我覺得今次最唔抵係搭的士)
搭直通車去旺角﹗搵車返屋企﹗
對左咁耐終於都要分開喇﹗
Miss 田~~~~
6點幾先返到屋企﹗
訓到晏晝4點幾﹗
PS: 我用壓力煲煲既湯因為細佬飲完蓋返好﹗搞到酸左﹗><
星期日全日都係休息﹗所以功課既進度仲係0
Justin飲野飲到6點先返屋企﹗
佢1點起左身就話陪佢上大陸﹗
佢本身應該勁支力﹗
我第一次用壓力煲煲湯﹗
整埋個飯俾細佬食就急急腳出門口﹗
原本話上到去換錢﹗點知我岩岩出門口佢就話過旺角換﹗
好喇﹗搭車去到太子喇﹗佢又話都係上大陸先換﹗
叫我響九龍塘等﹗
如果響九龍塘等我唔洗咁急啦﹗
>< 嬲呀~~
之後搭火車去羅湖喇﹗
我問佢”你有無帶回響証呀??”
佢先如夢初醒﹗
佢真係未訓醒﹗><
因為趕唔切約左個師傅﹗
所以唯有取消﹗
都唔知好嬲定好笑﹗
我地就去左旺角睇戲﹗
<<三國>>
Justin覺得<<投名狀>>好睇好多﹗
但三國係自傳黎ga ma﹗都唔同﹗
場面都係好睇﹗
估唔到Maggie Q會做到古代角色﹗
意外地見到吳建豪﹗哈哈﹗唔知Sammi會唔會睇呢??
不過不失的 一套戲﹗^ ^
之後我地就過左去九龍城食一直都想食既泰國野﹗
食左Winnie男朋友介紹既籽苗葉﹗
叫左個炒金邊粉、半打串燒、蝦餅﹗
全部都幾好味﹗
之後仲去左金滿堂食糖水﹗
好飽飽喇﹗
見之後要忙功課忙考試就快快去做返個facial先﹗
今次整得耐左﹗因為fu左個paper mask~~
2個半鐘﹗
之後我見屋企d foundation就用完咪問下佢而家賣緊果隻點﹗
Haha~~一問之下就問左喇﹗
佢仲叫我買埋Powder﹗
其實我屋企都仲有2盒未用哂﹗
不過最後佢都係成功叫我買左﹗><
2件野$730﹗
好似好貴﹗
Ipsa都係$300一支﹗
不過算喇﹗
“ 錢可以解決到既問題就唔係問題啦﹗”
而家又睇緊第2間既facial喇﹗
想試下modern beauty﹗因為Emily話有好多機﹗
我間野一次機都$270﹗如果加埋之前俾果d都成$700一次﹗
我真係唔想咁貴lor~~
所以如果modern beauty可以百幾蚊一次﹗
又有機做﹗咁我可能會join﹗
唔知呢﹗試左先啦﹗
