傻婆

全世界有邊一個最傻　傻就我要請佢地燒鵝傻婆
望見就佛有火　的單寄畀我　就有賴你幫助　似個秘書包搞妥
話肚餓就有call　即刻餵飽我　夜半賀我一賀　黎碟餸跟湯老火
落雨仲去踢波　波衫臭得我　就似毒氣災禍　你冇計點都攬我
做到(支力)就有火　邊位按摩我　全靠係你用對手咪咪摩摩
好　老細我放工　我約晒老友去放鬆
好　放到我過晒鐘　冇野攝攝你半個鐘
我叫你到你實出黎　喂你冇野你畫乜眉
你有肚腩我要你減肥　次次借你黎去出氣
傻婆　點解你仲要去忍我　仲會(乙水)番我　換轉我即刻扯晒火
傻婆　點解你仲要去跟我　成世要跟我　換轉我轉個身早撇左
夏季就靚女多　貪高興玩過　就算係我闖禍　你當冇睇到聽過
做野做到林左　即使跌低過　係你為我黎唱首溫馨K歌
好　你有你發功　最怕你唱到喊到腫
我冇錫到你燶　冇買野送過你　送個風
次次你嗌要食曲奇　我嗌老細叫碟蘇眉
當你冇到　我係揸旗　冇(乙水)過你仲成日激你
傻婆　點解你仲要去忍我　仲會(乙水)番我　換轉我即刻扯晒火
傻婆　點解你仲要去跟我　成世要跟我　換轉我轉個身早撇左
全世界有邊個最傻唔及你一個
傻既我要請你地燒鵝
傻婆　點解你傻到咁鬼錯　成世冇好過　全世界醫生都怕左
傻婆　千億個就愛你一個　係我最識貨　就算我知你short左
傻婆　呢一心就要你一個　傻既襯番我　傻到敢伸手畀我拖
傻婆　聽聽下又要喊乜喎　傻既喊乜喎　傻到你咁喊一餐訓左

相逄恨晚

我呢幾日都唔開心﹗

因為個心掛住Justin，但又見唔到佢﹗

我好聽話咁做哂佢叫我做既野﹗

溫書、返學、考試….

咁我諗住星期五可以見下啦﹗

點知佢尋晚又同我講驚我要等佢放工等好耐﹗

我個心就更加難受﹗

平時都會等啦﹗有時日日都會等半個鐘….

我唔明點解到今日佢先同我講驚我等得耐﹗

我從來都未試過怨等得耐﹗

因為我覺得可以見到佢就咩都抵返﹗

唔開心到喊﹗一直喊一直喊﹗

但佢就一直笑一直笑﹗

仲話係第一次有女仔喊而佢係笑﹗

佢話覺得我好傻、可愛﹗><

我覺得自己係一個好無用既女朋友﹗

傷左但一直都搵唔到時間去探你﹗

響你眼中係一件好小事﹗但我好Care﹗

我明你係由我既角度去諗﹗

但我想你明白我識分輕重﹗

最後你同我講 : “ 第一次Feel到有一個人咁愛我，我地真係相逄恨晚﹗”

相逄恨晚?????

我唔係好明﹗但我諗你想講如果早d遇到我會更加好掛﹗

請你珍惜而家愛你既我﹗珍惜我對你既好﹗

我知道一見到你我就會咩唔開心都唔記得ga la﹗

講返返學先﹗呢科係TT ( Transport & Tourism)

係由好好果個阿Sir (Jones)教﹗

雖然中間有d鬼異野﹗

(同一時間有2把聲響個擴音器度播出黎﹗)

不過都可以好專心﹗

阿Sir仲講左個功課

每個人寫一個4500字report﹗佔40%

之後就係個exam喇﹗佔60%﹗

希望快d可以開始快d完成﹗

我會好努力咁去上呢個阿sir既堂﹗因為佢真係好好﹗

HRM Examination

已經5日無見Justin喇﹗

佢整親腳已經第4日﹗

一直都未有機會見﹗

其實我今晚都要上堂﹗

星期二叫我溫書

星期三我要考試﹗

話考完試去搵你又太夜﹗唔想我一個人返屋企﹗

今晚我想唔返學去搵你﹗又話星期五都見﹗

有時我都會諗係咪我自己太緊張﹗

其實我係諗住放工去搵一搵你﹗

因為都怕你累要休息﹗

我只係想扶一扶你放工﹗

每次你唔想我做既野都會同我講係為我好﹗

我明﹗所以我唔會去同你爭辯﹗

同埋我知我一定講你唔過﹗

但我都有小小唔開心﹗><

始終大家期望唔同﹗

我真係好掛住你呀﹗

…………………………………………………………….

講返尋晚個exam先﹗

其實之前阿Sir已經俾左tips

可惜佢俾左5題﹗有一題必答題佢無講考咩﹗

果5題我就揀左2題去溫﹗

好彩之前個report做左其中一題exam題目﹗

咁即係溫一題﹗

其實一直都溫得唔好﹗

有好多野都記唔到﹗唔想記﹗

我太懶喇﹗

點知果題必答題真係唔知考咩﹗唔知佢想我答咩﹗

其他2題都答D唔答D﹗><

但report又做得唔好﹗個exam又做得唔好﹗

唔知會點呢﹗希望唔好Fail啦﹗

上一科個成績出左喇﹗

勁開心有63分呀﹗^ ^

加油﹗Fighting﹗

Hurting

岩岩星期五先交左功課﹗

星期三又考試喇﹗><

真係無咩心機溫﹗

呢個星期開始已經不是很好了﹗

尋晚整粟米豆腐失敗左﹗

咩味都無﹗好難食呀﹗

Justin整親腳﹗><

星期日去完踢波，星期一又踢﹗

其實平時我都唔會阻止佢去﹗

我知意外無人想﹗

今日痛到返唔到工﹗我個心好痛呀﹗

我好想去睇佢﹗不過我知佢一定唔會俾﹗

因為我聽日考試喇﹗

雖然預左，但唔知點解聽到佢講唔好啦﹗

我個心始終唔舒服﹗唔開心﹗

我唔知點同你講我既感受﹗

見到會無時間溫，見唔到就無心機溫﹗

知你care我﹗知我care你﹗咁就夠喇﹗

算喇﹗聽你話﹗唔諗咁多﹗唔想諗﹗

西貢BBQ

Justin一早已經應承左同埋我一齊去同事搞既BBQ﹗

半小時之差，估唔到撞到正﹗

仲嚇親爸爸﹗><

好 "口羅" 呀﹗ "口羅" 爆喇﹗

spying eye

會唔會俾人覺得我好奇怪ga......

Hi, Bye Uncle﹗

第2次見﹗終於對望清楚喇﹗

差唔多2個月無去做Facial喇﹗

塊面開始多返粒粒喇﹗

可惜仲未有時間去﹗

970X --> MTR --> 小巴

終於都去到西貢喇﹗

一落到車真係不得了﹗

周團都無咩建築物﹗好大雨呀﹗

搭的士去到跳蚤燒烤場﹗

以為會有瓦遮頭﹗點知得幾把大大太陽遮﹗

好多人都抵唔住大風大雨走左﹗真係好大風ga﹗

我地都係諗住入去坐下﹗佢d同事早過我地一個鐘倒到﹗

我地遲到﹗><

D遮吹到反哂﹗其實都燒得幾辛苦﹗

有十幾個人﹗

好彩過左一陣就平靜左﹗

燒左大概3個鐘就走喇﹗

最難忘係食左半生熟既牛柳粒﹗(點解燒左咁耐都係生ga﹗)

同同事個仔阿A玩左一陣NDS﹗

(我叫佢阿B，之後佢答我佢係阿A﹗)

我智商同十歲原本差唔多﹗><

好開心﹗因為可以陪住你﹗^ ^

Happy Friday

星期二無睇到戲﹗

咁見又交完個Essay﹗

辛苦過後可以抖一下先開始準備考試﹗

放左工我同Justin就去左太古睇 <<魔法奇緣>>

因為太古既時間最好﹗

坐我地後面既係一個小朋友﹗

佢成日都笑到好開心﹗令到我地睇得更愉快﹗

個皇子傻下傻下﹗好好笑呀﹗

又動畫又真人都幾得意﹗^ ^

可能純真既人真係會得到幸福﹗

只要你真心待人﹗人地一定會感受到﹗

大家亦都可以做到好朋友﹗

公司既野真係越黎越令我討厭﹗

可能係時候轉工喇﹗

希望快d搵到新工﹗

人生無常

肥姐離開了

大伯離開了

十幾日前明明見過﹗

身體仍可以﹗

但突然就離開了

內心感覺很奇怪﹗

人生真的很無常﹗

無人可以控制生死﹗

我地不能控制生命長短﹗

但在有限既時間，做既事我地能自主﹗

要努力活在當下﹗

要珍惜生命﹗

及時行樂﹗

元宵節

同同事食Lunch﹗

好彩有Emily陪住﹗

否則悶死﹗

其實我d同事都係好人﹗可惜唔夾﹗

唔知點解我係都要返緊工﹗一邊返一邊做功課先做到﹗

放左工都無咩心機做﹗

放工Justin過左黎幫我睇下個功課﹗

咁岩係元宵節﹗我地就去左食湯圓﹗

甜到漏呀﹗

仲食左個士多碑利春卷﹗

寫左大概千一字﹗

睇到Justin死死下﹗

佢話唔明點解我成日都寫左個pt﹗

之後就唔寫多d解釋﹗

哈哈﹗我都唔知應該點先算解釋﹗><

搞到佢去唔到踼波﹗﹗

元宵節快樂﹗^ ^

Essay

Essay

Essay

Essay

Essay

please kill me before friday

Happy Tuesday

放左工就同Justin去食壽司﹗

原本想食板長﹗之前一直都想試﹗

不過又係好多人排隊﹗

都唔明六點幾已經咁多人排﹗><

因為要趕去數碼港睇戲﹗

唔夠時間排喇﹗

之後改左食元氣﹗

Justin最愛元氣卷同埋腐皮﹗又食左3碟腐皮....><

上網check左40號由灣仔去數碼港﹗

但原來係朝早先會去到﹗晏晝之後就會改去置富﹗

點解d bus路線會咁得意既??

就係咁我地就返左屋企喇﹗

傾左陣功課就訓喇﹗

唔該麥老師﹗

^ ^

我第一個揀俾Justin既袋款﹗(新果個款唔記得左影呀﹗)

情人節既頸鏈﹗果張card係佢自己整ga﹗唔好問我點解會變左Mario﹗

原來一直都喜歡我直髮﹗

藍寶石王子眼中既世界﹗好多姿多彩呀﹗^ ^

感覺自己真的很幸運能遇到你﹗

很幸福呀﹗^ ^

星期一返工放工返學放學的日子

星期五就要交功課喇﹗我當然做左唔多啦﹗

第一日做返scanning﹗

整左成朝個功課﹗差唔多整左1/5

要再俾心機喇﹗

不過個Draft都叫整左﹗

希望星期四前會整好啦﹗

放工就等埋Justin﹗陪佢睇醫生﹗

之後佢就陪我返學﹗

我上堂係因為想問下阿Sir我個Draft O唔OK﹗

問完即走﹗SO GOOD﹗^ ^

TOUGH WEEK FOR ME﹗

星期六更換情人節禮物

一早就陪Justin返工﹗

其實有時我都會覺得咁早起身都幾辛苦﹗

不過可以陪佢返工﹗

星期五又成晚可以一齊﹗都應該開心既﹗

之後我就返左屋企訓﹗

訓到一點諗住去做facial﹗點知無位﹗

咁我就去等Justin放工啦﹗

之後去左APM換﹗

好彩佢話鍾意個公事包款﹗

但無佢鍾意果隻色﹗

將軍澳有﹗

咁我就堅持去﹗

叫埋細佬一齊﹗

因為佢有恆生card﹗

一切都好順利﹗

如果無就唔知點好喇﹗><

之後陪細佬睇電話既package﹗

Justin去踢波比賽﹗

細佬勁有錢﹗佢想換部$5000幾既電話﹗

可能因為有2萬蚊花紅﹗(不過佢都好乖咁俾左萬五媽咪﹗)

我都俾左$3000媽咪﹗其實係因為之前借左媽咪錢俾學費﹗><

我會將新年既利是開個戶口儲起佢﹗

(今年先開始好似遲左d，不過好過唔開始呀)

今年target儲2萬﹗加油呀﹗^ ^

星期日原本booked做facial﹗不過又係太懶唔想去﹗

已經個半月無去喇﹗><

星期五逃工日

一早起身發現原來已經八點幾喇﹗

可能係我六點幾睇鐘既時候唔覺意整到個鬧鐘﹗

><  

咁就2個人都請一日假﹗

多一日情人節﹗^ ^

訓到2點﹗就出去食野﹗食左Mcdonal扭扭薯條﹗

之後就同Justin去左羅醫生紙﹗

排左勁耐lor﹗之後就返屋企又整晚餐喇﹗

全程由我負責﹗不過都係整返熱同埋切下﹗easy job﹗

我地仲有蛋糕食﹗(情人節買ga﹗未食﹗)

Justin一邊打機一邊陪我溫習﹗

我一有咩唔明就問佢﹗

真係好﹗有個好老師﹗又照顧我﹗^ ^

日日都係情人節

哈哈﹗因為太懶同無返工都無咩時間打返blog﹗

講返我同Justin既第一個情人節先﹗

我地原本諗住出去食野同睇戲﹗

不過最後都係返左屋企﹗

我地買左一人一塊牛扒﹗湯﹗

返到去仲有我媽咪既蘿蔔糕、年糕﹗

煮飯仔之前我地交換左禮物﹗

我既係一條頸鏈﹗Justin既係一個袋﹗

條鏈都幾靚﹗鍾意佢果粒藍寶石﹗

Justin話個袋都靚﹗不過佢唔知點襯果個袋﹗

其實我都知佢好小同斜”咩”﹗

不過可能想佢試下﹗見又幾靚wo﹗於是就揀左呢個款﹗

好彩可以換款﹗決定左星期六去換款﹗

我無唔開心呀﹗因為唔鍾意講出黎仲好啦﹗

我煮牛扒汁﹗Justin切年糕蘿蔔糕﹗

之後佢煎牛扒﹗我煎年糕蘿蔔糕﹗

牛扒煎得太熟﹗年糕太濃﹗

哈哈﹗Justin話佢知會搞到咁都係出去食﹗

不過我鍾意咁簡單既情人節wo﹗

同埋幾得意呀﹗

之後一邊睇Golden Compass 一邊食野﹗

仲睇左魔術男﹗

之後好甜咁抱抱我訓﹗

抱抱

我係一個好鍾意人抱抱既人﹗

其實細細個成日都要訓響媽咪溫暖既懷內﹗

仲好鍾意抱著媽咪果條粗粗既大脾﹗

抱抱人 / 被人抱抱都好有安全感﹗好舒服﹗好安心﹗

成個人都被另一個人包住﹗果種感覺好甜 ^ ^

仲好似咩壓力都無哂﹗咩煩惱都俾哂抱住你既人咁﹗

細個真係好﹗咩都唔洗煩﹗又多人鍚﹗

咁而家都多﹗

我都好鍾意抱抱Justin﹗

抱到唔捨得放開﹗

每一次去完街我地都會抱抱﹗

每一次我都唔捨得放佢走﹗

唔知情人節大家會點過呢???

我地2個應該會開一個2個人既party﹗

希望大家都可以搵到一個可以俾自己抱抱或者抱抱自己既人﹗

希望大家都甜甜蜜蜜﹗^ ^

開年飯

點解而家先食開年飯﹗

因為媽咪岩岩先響大陸返黎﹗

Justin響我誠邀之下同左我媽咪食第一次飯﹗

因為覺得佢唔會有咩手信會俾媽咪﹗

於是我就買左二盒曲奇﹗

一盒俾佢送俾我媽咪，一盒就係叫佢幫我送俾佢媽咪﹗

哈哈﹗仲要買佢最鍾意既朱古力味﹗

一次過滿足好多個願望﹗

我都覺得自己係好好女朋友﹗

佢真係好厲害﹗一見到我媽咪就勁識做﹗

暗喜第一次

食飯前佢問我要唔要幫媽咪手煮﹗

暗喜第二次

食飯我地屋企其實都唔多講野gei…

我都驚Justin會唔慣﹗

不過好似都ok﹗

我夾送俾佢，佢夾俾我﹗

暗喜第三次

我之前食野咬親個嘴﹗

我同Justin講佢話好似仲流緊血(其實無可能仲流緊)

知佢緊張我﹗

暗喜第四次

食完飯佢話要幫媽咪手洗碗﹗當然唔洗啦﹗

暗喜第五次

雖然媽咪同Justin唔係傾過d咩計﹗

不過應該印象良好﹗

我食生果既時候真係再咬到個嘴﹗

好痛呀﹗

我地2個打左陣機﹗都夜喇﹗係時候返去喇﹗

幸福到死喇﹗^ ^

雖然我無去Justin度拜年，不過佢媽咪都有俾利是我﹗

多謝auntie﹗新年快樂、身體健康、股票仔生生性性、個仔仔孝孝順順

除左曲奇，仲俾左年糕同蘿蔔糕Justin﹗

大家都可以開開心心就好喇﹗

Nik + Helen @大盛

放左4日假之後就係返工既日子喇﹗

天氣凍要返工都幾辛苦﹗

放工去左搵Justin，因為好耐無見喇﹗

就黎一個星期喇﹗

我地行左一個鐘﹗

耐唔見，覺得更加miss對方﹗^ ^

我之後就去左大盛join埋Nik同Helen

我地3個人好耐無見喇﹗

試左好多新野﹗

炒飯、一口牛、海鮮卷

當然食左大盛卷啦﹗

阿Nik又轉工喇﹗唔知幾時到我呢…heehee

之後我地行左陣apm

終於買左情人節禮物喇﹗

一直都係想送呢樣野，不過睇唔岩個款﹗

呢個都幾靚﹗不過唔知Justin鍾唔鍾意呢?????

期待~

多謝你地2個既意見﹗

L之終章

初3夜晚去左睇L之終章

我覺得一般﹗

睇唔到L既智慧﹗

睇唔到豐富既戲情﹗

可能係我Expect佢係同死亡筆記有關﹗

但點知完全係新既﹗

我有小小亂﹗><

好彩最後都睇得明﹗

Near...Kawaii

原本諗住Justin會陪我﹗

點知佢要去龍華﹗><

好彩都有人陪﹗

聽日就返工喇﹗休息下先﹗

農曆新年

祝大家:

身體健康

心想事成

開開心心

哈哈﹗新年都係拜年同拜年啦﹗

初2夜晚同左表妹出左去洗頭﹗

個髮型師同我講覺得我個頭剪得唔好

(我當然知佢想做生意啦﹗)

咁佢都咁講﹗咪俾佢試下lor...

新頭都ok gei﹗

多左層次感﹗

同埋終於都無左條界喇﹗^ ^

我有個新男朋友﹗

佢一個3歲好得意精靈既細蚊仔﹗

佢話覺得我好靚﹗哈哈﹗﹗

最搞笑係佢媽咪話佢成日都要去佢屋企附近睇靚女﹗

佢媽咪係邊個??

咪係我個表妹lor......

我覺得佢都幾聰明﹗^ ^

新年都ok快樂呀﹗

不過如果唔洗咁凍會更加好﹗

快樂生日

生日當然同愛人Justin一齊過啦﹗^ ^

我地放左工就過去銅鑼灣﹗

Justin話佢之前想買定飛同我睇CJ7不過趕唔切﹗

你成日都踢波邊有時間呀???(咁我又唔係嬲gei)

原本去Timesquare﹗點知多人排隊到呀﹗

見唔到龍尾﹗><

好彩響JP都買到﹗

去左K2睇下有無果件褸﹗

不過應該都無緣ga la﹗

唔緊要﹗其實都唔一定要買﹗

之後Justin就同我去左佢成日都話好味gei “大八”

食日本放題﹗

野食都幾新鮮，不過覺得有點兒小家﹗

因為佢成日都勁mini size﹗

食左激多野呀﹗

魚生(最開心係食章紅魚)

各式壽司(甜蝦、墨魚都好味﹗Justin最愛腐皮)

佢食左7件lor﹗Crazy﹗

估唔到你會用甜蝦去扮嘴唇﹗笑死我喇﹗

燒物(好味﹗) 炸物就太油喇﹗(番薯超好味﹗^ ^)

牛肉鍋、雜菜鍋、”立魚清湯” 點解個雜菜鍋同”立魚清湯”係一樣味gei???

仲食左個Crab 粥﹗

其他唔記得喇﹗

又係3份既禮物﹗

1.      Vivian Westwood Wallet

2.      Handmade 毛巾蛋糕

3.      手寫生日card

Good taste

我知我唔可以即刻就睇果張card﹗因為一定喊﹗

個wallet係我之前睇中過gei﹗(不過睇中果時我地仲未一齊ga wo)

你又會知我鍾意過呢個銀包既????

Justin話佢知我想換銀包，個銀包係我鍾意既黃色﹗^ ^

鍾意﹗

Handmade 毛巾蛋糕令我覺得超lum呀﹗

記得佢之前christmas都自己整左張card俾我﹗

好靚ga，完全唔似自己整﹗個cake都係﹗

好勁lor﹗我明點解你可以lum到咁多女喇﹗之前

而家梗係得我一個啦﹗

我真係覺得好lum﹗覺得Justin好錫我﹗

佢咁用心咁care我﹗

好幸福呀﹗^ ^

我好想講一句”多謝你”

講埋張card先﹗我忍唔住響mtr睇左﹗

一如所料，我真係喊……

(而家打blog都有d忍唔住)

因為Justin真係會用個真心對我﹗

唔講寫左咩啦﹗得我同你知就夠喇﹗

Sweet Love ^ ^

眼淚都可以係甜既﹗﹗

再打落去就收唔到喇﹗

CJ7未睇之前好多人都話一般﹗

但身為睇周星馳戲大既一代佢有新戲點可以唔去睇﹗

可能以前既都以星爺為主﹗

而家佢好多搞笑位，戲份都俾左其他人﹗

同埋中間唔應該咁死法﹗><

不過都可以呀﹗可能響我地唔發覺既時候佢已經轉戲路喇﹗

不過下一次有星爺既戲我都一定會睇﹗

謝謝你令我成為世上最幸福的人﹗

我愛你﹗要永永遠遠都一齊﹗^ ^

其實生日有你就夠喇﹗

生日快樂﹗

今日係2月5日﹗亦即係我既生日﹗

我想同我自己講一聲”生日快樂”先

其實應該要日日都快樂﹗

多謝各位好友既祝賀﹗

尋晚同左Irene、Shirley、Sammi、蘇菲去左食MY TOKYO﹗

哈哈﹗證明大家都知我鍾意食日本野﹗

今晚又會同Justin去食放題﹗^ ^

尋晚好開心﹗勁食勁食﹗

多到我都唔記得食咩喇﹗

記得2個炒飯、沙律、雞軟bone、hin、豬扒鍋、仲有一人一杯得意野飲﹗

激情、夏火…

哈哈﹗

佢地又勁shopping lor﹗

點解做左野仲窮過讀書果時gei????

我連過年既衫都未買﹗如果無就由佢啦﹗

係因為太凍想買件褸jei…

Sammi響K2買左件好抵既褸﹗

我都想買呀﹗(成日都買一樣既野﹗)

可惜無黑色lu﹗可能會買白色掛﹗唔知呢﹗

唔知呢﹗朋友可能就係咁簡單可以坐埋一齊就夠掛﹗

我好大頭蝦無帶相機﹗

響tst想影貼紙相都無﹗><

美中不足﹗

不過我真心相信我地既友誼會係一世﹗

今日影唔到咪聽日lor﹗

人大左更珍惜我們單純既關係﹗

Love all my friends﹗

終於大團圓結局

茶煲阿四去到第十四集終於都完喇﹗

即係我追左差唔多3個半月﹗

如果你問大團圓我鍾唔鍾意﹗

我會答總好過，咩都無左﹗就咁分開﹗

最後哲修響馬路邊同阿舞講” 我愛你”

哈哈﹗可能無諗過個結局係點﹗

所以好欣然接受呢個簡單既結局﹗

TVB有好多劇集都會俾人話好頭唔好尾﹗

但一個好既結局係好難ga﹗

要做到個個都鍾意根本就無可能﹗

其實戲都係一樣﹗

所以我好欣賞果d可以拍一套得人心既戲既導演、演員﹗

一年我都睇幾多戲ga﹗

上年睇左成50幾套﹗

哈哈﹗覺得睇戲令我學到好多野﹗

世界咁大﹗可以欣賞既野有好多﹗^ ^

鍾意你

我鍾意你係因為我覺得同你一齊好舒服﹗

我鍾意你係因為我覺得同你一齊好開心﹗

我鍾意你係因為我覺得我地好夾﹗

我鍾意你係因為我覺得你明白我﹗

我鍾意你係因為我覺得我亦明白你﹗

我鍾意你係因為我覺得你很聰明﹗

我鍾意你係因為我覺得你值得我欣賞﹗

我鍾意你係因為我覺得你會令我笑﹗

我鍾意你係因為我覺得你會令我感動到喊﹗

我鍾意你係因為我覺得你會為我而改變﹗

我鍾意你係因為我覺得你會為我付出﹗

我鍾意你係因為我覺得你對我很好﹗

我鍾意你係因為我覺得我亦很想對你好﹗

我鍾意你係因為我覺得你緊張我﹗

我鍾意你係因為我覺得我亦緊張你﹗

我鍾意你係因為我覺得我對於你是很重要﹗

我鍾意你係因為我覺得你對於我亦很重要﹗

我鍾意你係因為我覺得被你拖著很溫暖﹗

我鍾意你係因為我覺得被你擁抱著很溫暖﹗

我鍾意你係因為我覺得每一次的Goodbye Kiss都很窩心﹗

我鍾意你係因為我覺得你既每一句說話都是為我著想﹗

我鍾意你係因為我覺得被你抱著進睡係世上最幸福既事﹗

我鍾意你係因為我覺得你會帶我看到一個不同既世界﹗

我鍾意你係因為你愛我我亦愛你﹗

不要想太多﹗只要我們仍愛著對方就夠喇﹗

Happy Thursday, Friday & Saturday

星期四既公司可以話無野做﹗

都幾悶﹗

Justin同我講左sorry﹗

我其實都唔係嬲，我只係想多d時間大家傾下﹗

因為發生既事而可以互相了解先係最重要﹗

放左工我地買左個大大Pizza返屋企食﹗

我地睇左<<破事兒>>

幾個睇落去無關既故事串連埋一齊﹗

我一早已經知道我會鍾意Stephy同阿Gil果段嫁喇﹗

有邊個會無一個朋友當自己係最重要既朋友﹗

但自己又唔會把佢睇得咁重要﹗

又有邊個會無一個朋友你將佢當係最好既朋友﹗

但佢又唔係﹗

人同人之間既相處問題可能就係緣於呢個差距﹗

人生真係好無奈﹗

星期五因為Justin放假我都逃工喇﹗

一邊食Lunch一邊睇<<魔街理髮師>>

真係好殘忍呀﹗不過因為歌劇同埋無字幕我都唔係全部睇得明哂﹗

不過唔知點解我會知道果個女人會係Johnny Depp個老婆﹗

之後睇左<<神探>>

我睇到人心入面既鬼﹗

仲有<<Stardust>>

可以對住大家咁耐都係第一次﹗(除左去旅行之外)

星期六一齊返去九龍 ^ ^

我地傾左好多野﹗

而家無哂事喇﹗^ ^