2015年5月31日 星期日

吉港歐 - 遊吉隆坡馬六甲

2015原本想同奶奶去美國,不過因為 契媽今年返黎香港都幾密

又突然見到有平機票,於是就響結婚週年果日買左一套吉港歐,

咩係吉港歐,去flyagain.la 睇下~~~

入左呢個Group 更加明白世界上有D人真係好叻......

聖誕節去芬蘭,其實咩都未Plan,只係買左去程倫敦,回程芬蘭,Total 去16日~~


2個人加埋連稅都係$6540~~~

直航黎講呢個價真係無敵.....

因為佢第一程要由吉隆坡返香港,我地要自己買機票由香港去,老公因為唔想請AL,所以星期五晚放工之後過去,Airasia 一程只係4xx,而佢既里數夠換台灣來回,即係3800,有一長二短程Trip,有幾抵你明啦,不過我應該唔會換台灣,想試下再儲換北海道.......

於是5月底就去左馬來西亞一轉,我早幾日同媽咪 & 佢朋友出發


第一日都成5黠先到,根據上次經驗第一晚去左阿羅街食晚餐,唱錢同食榴槤~~


第2朝起身就去遊水,非常滿意呢間酒店,由機場搭巴士直到KL Sentral,酒店門口就響巴士站對面~~


食完早餐就去馬六甲~~~

其實KL 洗費唔多,我地去左5日,每人唱左2500,最後都洗唔哂........


去馬六甲先要搭KTM 去 Bandar Tasik Selatan,轉巴士~~

巴士站好多counter ,唔知點分,但價錢差唔多我都無再諗......


去到又要再轉17號巴士,呢架巴士去哂馬六甲景點,不過有時就會兜好大個圈......

我地其實去距離唔遠既酒店,不過足足坐左一個鐘.........

差不多4點先開始我地馬六甲行程,當然先到最出名雞場街醫肚,酒店有接駁車~~~


去左大寶小館,食左個蝦面,其實都係幾蚊雞......

咁岩地理學家coffee shop 響同一條街,於是又飲左一杯,呢度係夏日麼麼茶其中一個取景地方.....

食完飲完已經差不多6點,見D 鋪都差不多收,一至四馬六甲真係無咩特別,好似星期5-日會冑夜市~~~


之後行左上山睇日落,同住媽咪佢地一齊完全唔浪漫~~~


之後落山去左佔地極大既英雄廣場.....

其實諗唔到食咩,於是求其食左小小中菜~~~


第2日又係遊水食早餐,差不多11點先離開酒店,食午餐就返去吉隆坡.......


午餐又係去返雞場街,呢隻色既建築幾得意~~


揀左食海南雞飯,其實唔係好岩口味~~~

不過波波飯都幾有趣.....


回程就唔多順利,我地上左一架去唐人街既車,點知中途要轉車,又塞車,足足坐左4個鐘,真係死人........

不過響唐人街落有個好處就係可以食埋晚餐,去左金蓮記.......


又買生果返酒店食~~

到check in 我先知原來我又揀返上次間酒店....XD


老公終於都黎到一齊玩喇,辛苦哂3點訓,8點已經要起身~~~


有自助早餐最開心~~~


由酒店行過去Twin Tower 都係5-10分鐘~~~


行左一陣超市,又食下午茶,Madam Kwan,都幾好味~~~


之後又`過去金3角,都估到夜晚係食阿羅街,去左十號胡同望左一望......


可能因為老公響度識叫野食,呢一餐叫做最好~~


最後一日無諗行程,想去清真寺行行,點知遇正午休,哈哈......


入左個唔知咩展覽,應該係介紹馬來西亞~~


行行下見到對面有美食展覽.........


RM 1 入場,8掛下~~~


都幾多野試食,又有好多地道野,不過地道野 = 唔岩食


最後用10RM 買左3KG Mango~~


返酒店羅返行李,去返KL Sentral 搭巴士,因為呢一程好重要,所以提早好多去左機場....XD

就係咁無無聊聊過左5日喇,最後老公都係要食Secret Receipe.........

2015年3月27日 星期五

台中的四日四夜 (台中)


一早起身就對住個日月潭早餐,酒店早餐幾好,你落到黎先煮,有蛋,有煙肉,味道幾好!

最估唔到係去咁多日都好天~~


之後就返台中喇,返到去已經十二點,我揀左台中車站附近落!

行過對面小小就係宮原眼科,買手信好地方!


手信我一向只係有興趣鳳梨酥,其他口味總係唔多岩!

因為蘇非shirley話想食芋頭酥,點知呢間係無嫁........


原本想食佢個雪糕,點知大排長龍,揀左佢個珍珠奶茶!

都ok啦!


之後行過自由路商圈返酒店,見到有間cafe....

又係好多人排!

自由路有好多手信店,我數左應該有1X間,我地試左太陽餅,檸檬蛋糕,芋頭酥.....

最後揀左芋頭酥,不過會去逢甲夜市附近果間先麥買~~~


返到酒店放低行李,就行左樓下個outlet.....

但d款真係好得人驚,唔行也罷!


之後經過台中公園去一中商圈,一中夜市都出名,估唔到日頭大部分鋪頭都有開!

先試左個滷水,有蛋,青瓜,豆腐,味道都唔錯呀!


一中商圈應該就係香港既旺角,唔單止人多,鋪頭賣既款都幾唔錯!


成個一中商圈好大,我地行行下去左中友百貨,以我所知台中可以行既地方,只係得返逢甲夜市~~


因為知道好遠,所以盡量搭公車,酒店俾左張list我地,只要經過逢甲大學就可以到!

台灣巴士站好正,有埋計時倒數,好文明呀.....


我地上左巴士先研究點去先麥,原來響三越百貨附近,不過落左車都行左幾條街先到三越,順道去埋洗手間!


幾經辛苦終於搵到喇!買左芋頭酥之外仲買左芋頭糖同芋頭餅

芋頭酥實在太快過期,鮮造只可以keep三日,獨立包裝都係最多一星期,我都唔敢買多!


之後就搭的士去逢甲,唔洗NT 100....

人又係好多,其實去左幾個夜市見佢賣既野都有自己特色!


燒貝,煮蜆,好似其他夜市唔多見有,不過興趣不大!


最後估唔到係買左衫同食左一碗類似車仔面既野,叫黑輪!

有菜,姑,豆腐,腸,味道都正常,但唔係好好~~~

行下行下都十一點,係時候返酒店,公車真係好早收!



第二朝搭一點機,九點鐘食早餐就checkout,公車去機場係響台中車站附近,所以又行左一個圈!

買到好平既黑橋牌牛肉乾!見到宮原雪糕無人排又試左個!


揀左二個味,再加4樣佩料,價錢都唔係好貴,味道就不過不失,其中一款甜左D.....

咁抵食,試下都好既~~~



之後就搵車入機場,有9號同115,唔知點解115要好耐先有車,於是搭左9號,成7X 個站,司機話大約7-80分鐘,哈哈,真係要預多D時間......

我見佢地有架叫BST 既快車,唔知快幾多同貴幾多呢!!??

無做功課之下今次旅程都算順利,台中交通真係發展得幾完善~~讚!!!

去到機場見仲有時間就行下,不過呢度真係好細,無咩好行~~



上機前Justin 食左個牛肉面,我就食左個3文治.....

overall 黎講呢個trip 都好抵玩,4日夜,又搭飛機,又坐咁多車、船、纜車,又食,又住酒店,一個人都係 HKD $3700~~

其實如果我地酒店唔係Book 得咁急,貴左,應該呢個Trip 唔洗3000~~

講埋最後一樣野就係台幣問題,落機見只係得一間銀行,個rate 係3.92,加NT 100 手續費,我去之前開通左ATM,估唔到ATM 個rate 咁靚,手續費都係20......

Total 用左 2960就唱左 NT12000,真係好抵~~


2015年3月26日 星期四

台中的四日四夜(日月潭)


第二朝一早三點九起身,四點五出門口,個guide好快到喇!但同我地同酒店既二個人無起到身!!

搵左一陣,應該無消息所以繼續行程......

再一直上經過不同酒店接左大約二十人,成架車full哂,原來之前我想住果間楓丹白露響好上山上!如果位置我自己鍾意春大地多小小~~~

又越過高山又越過谷之後,終於響5:45到達山頂,日出時間係6:07~~



太陽未出真係幾凍,就係咁望住個天慢慢光~~

太陽由一小點慢慢變圓,呢一切都好值得!

再留多一陣,大約6:20就上車回程!


光打落面成個Feel 好好~~~


之後經過一個叫武嶺既山頭,呢排睇到衝線有d鏡頭響呢度取景有趣!


返到酒店已經差不多八點,先食早餐,其實無咩野食,只係食左啖粥同埋一片包!

酒店係依山而建,好靚~~

之後趕搭九點幾班車返埔里,轉車去日月潭!


日月潭酒店就響碼頭隔離,幾方便,見未有得check in所以即時搭船去伊達邵碼頭果邊掃街!

套票有包一日船卷,任搭來回水社碼頭,玄光寺同伊達邵碼頭~~

玄光碼頭有一個出名既阿婆香姑蛋,都幾好味,買左2粒黎食~~~


伊達邵老街飛魚子香腸,不過不失!


呢個人龍大刈包好好味~~~~


人排我又排阿薩娒紅茶,都幾好飲有,VLT既味道~~


呢個菇 + 菜 既包,好油唔掂~~~

下一站纜車,由碼頭過去都要10分鐘,當日天氣好,又唔係好多人!!!


排左一陣就上去喇~~~


好快就到左對岸,原來諗住入去九族民化村,去到2:30先知原來成個地方好大,起碼玩半日以上~~~~

仲有機動方遊戲............XD............


不過因為我地有纜車回程,而最後一班係4:30開出,得個幾鐘根本跑唔哂,於是行左一陣手信店就回程喇~~~


估唔到仲有D 櫻花睇~~~


不過比較疏落~~~


離開伊達邵,又坐左一圈船~~~


睇左日落就返酒店喇~~~~


個VIEW 真係幾好嫁.............


抖左一陣又出去,估唔到度度都有紙箱王,呢度仲有一間餐廳~~~


揀左好耐唔知依咩好,揀左地道民族菜....

味道都OK,又唔係貴~~~



最後當然要買D 生果,揀左菠羅同一條蘋果蕉,蕉都OK 香,不過唔係好特別~~~

之後又返酒店抖,其實我想踩單車遊湖,租一日都係 NT100,都幾平呀........

不過好果做足功課既朋友,可能唔洗買套票,因為一日船卷只係NT100