2014年4月21日星期一

珍。惜


其實爸爸走左呢件事我同左好小人講,一方面唔知點講,一方面覺得爸爸無走,一切都無變~~

直到要送別爸爸果日,我同左呢幾個人講,我無諗過佢地當日就黎搵我,仲陪住我!!!

當下感覺一切盡在不言中..........

收拾好個人情緒,復活節長假約左大家出黎,睇左場戲<<那夜凌晨,我坐上了旺角開往大埔的紅VAN>><<,食左個飯,雖然有好多野想講,不過唔知點講,好朋友在身邊就已經足夠~~~


我會好好珍惜我地幾個之間唔可以用言語去形容既關係~~~

2014年4月19日星期六

我的新吸塵機


搬新屋無耐已經睇吸塵機,睇左咁耐先買,係因為太懶,同埋心大心細,又想買平D,又想買好D~~~

最後唔知點解係去左永安買,仲要俾正價.......@@

我最Concern 既係要有好既filter 同埋 可以吸床~~~

呢部係Electrolux Z 8852,有Hepa filter 13 = 唔會噴返任何塵出黎......

吸床個扒頭如果另外買一個,要$680,好貴呀!!!!


白色機身,前面係塵袋、後面係Filter~~


個手 "Ban" 位可以調教力度,好方便~~


呢個係吸地同埋吸地毯既頭~~~

叫價 $3298,超出我預算好多,不過永安就送埋個吸床扒頭,3 張$100 Coupon,雖然要買滿 $200 先可以用一張,同埋 $200 餐飲禮券!!!

其實如果唔計D Coupons 出面買會平D,傻仔左....@@

不過佢真係好好用,吸一次地,成個地爽哂,好似岩岩抺完咁~~~

下次試下吸床先........

2014年4月15日星期二

淘.燈


老公恨左好耐想買支燈放響梳化隔離,拖左好耐,終於都淘左!!

仲要係第一次用自己戶口俾錢,之前都係叫同事幫手訂,第一次用PPS,真係幾方便~~~

原本睇岩左一間,不過運費有D問題,間鋪點都唔肯幫我問運費幾多,話用佢個速遞 RMB 180,直接到香港,不過如果用順風就唔知幾錢,講真唔想埋單先知幾錢,於是搵左第2 間........

第2間質量好似都幾好,仲包國內運費,最後傾好左支燈 RMB 468,運費加RMB 67!!!

平就唔係特別平,不過起碼全部錢俾哂安心D~~~


星期五俾錢,星期一就到喇,不過無人收,放左響樓下看更度,洗唔洗咁大件呀!!!!!!


開左個紙盒,入面係支燈既底 & 柱~~~

Um....不過咩事入面爆哂!!!??


條柱有D 生鏽色........@@

好彩抺得甩~~~


用鑼C 鎖實支柱落去個底~~~


扭實個罩~~~


其實Overall 黎講都滿意~~~

2014年4月12日星期六

Cooking


呢段日子,我唯一有興趣既就係煮飯,雖然放工買送,再準備,最後煮要用好多心機,不過煮既過程,同埋見到老公食得好似好好味咁,心入面就會好安慰~~~

有一日整左金銀蛋波菜,紅燒茄子,面鼓煮豆腐.........


又有一日煮左水蛋,清酒煮蜆,生菜!!!


又有一日整左面鼓蒸鯇魚、炒蛋、蠟味炒小糖菜~~~


蝦仁炒蛋、鼓油往蝦~~


生菜魚肉~~


蕃茄邊爐~~~


第一次用午餐肉、2個人食真係太多~~~


3色椒炒魷,卥水蛋 & 雞亦


似模似樣肉餅~~~


班球炒西芹


鼓汁炒蜆


鹹蛋滾絲瓜蜆&肉片湯

想再整多D 其他款式,要加油呀~~~

2014年4月3日星期四

我永遠的爸爸

2014年3月係一個非常難過既月份.......

不捨、悲傷、不解、自責、種種情緒交織一齊~~~

喊過無數次,但同一時間同自己講爸爸唔想你喊........

雖然呢段時間好難捱,但我會撐落去~~

爸爸多謝你咁多年既愛護、照顧,我未能一一報答.........

我仲記得細細個你就好錫我,真係好偏心,細佬想要既你未必會買,但只要你我想要你一定即刻買~~~

因為聽覺問題,你大聲小小同我講野都會補一句:" 我唔係話你"

我知道你永遠都係最錫我,最聽我話,放心,我會好好照顧自己,照顧媽咪,細佬同阿庭都會好好照顧我地!!!

我記得直到中學,我地先一齊住,其實我地一齊生活既時間真係好短呀........

我好感恩8年前你突然心臟有事,令我同細佬知道你同媽咪唔會永遠響我地身邊,如果無8年前果件事,我地都唔知道原來你地咁重要,可惜我可以孝順你既日子太短~~~

我地都唔夠細心,你瘦左咁多都唔發覺,你無以前咁好胃口,只係識得叫你小食多餐,不過呢一切都追悔莫及.........

人死左會去到一個咩地方呀? 你係咪同住爺爺、女麻女麻一齊呀? 你生活得好嗎? 係咪好掛住我呀? 

其實我從來都無覺得你離開左,我地只係身處不同時空,只係見唔到面,但你永遠都會響我身邊.......

而家既我講既所有野,你都聽到,睇到,你會睇住孫仔出世,睇住佢地成長,爸爸你放心,我會教佢地同你一樣做一個正直既人~~

爸爸我希望你可以放開所有以前執著既野,呢一切一切已經唔再重要喇,重要既係大家都生活得開心!!

爸爸多謝你俾我知道原來身邊有好多天使,你放心啦,我會生活得好幸福~~

我約定你,他日再響天堂上再重聚~~

我愛你爸爸~~

2014年3月3日星期一

Shangrila Rasa Ria Day 2


2月14 係我地響沙巴咁多日最好天氣既一天~~~

藍天白雲、綠草藍海,真係好舒服~~


是日其實無任何活動只係Hea 酒店,一早起身當然先食早餐~~~

我地揀左最近池邊既位,正呀!!


因為太多人我都無影到有咩食,都係食果D,蛋、腸、包、生果、沙律、菜!!!

不過我地一致認同,早餐吸引過尋晚個晚餐~~~


連草都係心形~~~


之後去左玩滑梯~~~


酒店超正,有防曬、蚊膏、After sun 任用,不過我地都自己買左支新!!!!


BB滑梯~~



話大唔話大,話細唔細既泳池~~~


游左一陣水去左訓吊床...........


出去行沙灘~~


真係好曬~~~


訓左一陣沙灘,就係呢一陣曬傷左.......@@


其實海灘唔多人,因為太曬同埋太大浪..........


不過就超長~~~~


我地住緊既酒店房!!!!


坐坐下有Staff 主動俾水我地飲,仲有西瓜食~~~


之後繼續參觀酒店,草地 is everywhere~~~


草地滾球又玩一餐..........


真係好靚~~~


行左去Ocean Wing,原本我地住呢D 房,不過因為附近裝修,我怕嘈,最後都係揀返普通房~~~

呢個池唔知會唔會有人浸!!??


不過Ocean Wing 有自己一個池,感覺上係好D!!!


不知不覺玩到差不多日落,我地返房沖完涼又落沙灘~~


呢度算係我睇過既日落排頭幾位~~~~


成個天都係紅霞........


唔為意相機用左一日無電,返左去房一轉,返到黎就得返唔多晚霞!!!


去到尋日話想食間餐廳,點知人地今日只做情人節套餐,太貴唔捨得食........

早知早一日食啦!!!!


最後我地揀左印度餐廳~~~

頭盤.....3個醬都好好味..........


餐廳送左粒貼紙俾我,貼左響眉心,哈哈.........


2個人叫左一個煎包、2個咖哩,1個雞、一個羊....

味道都幾好!!!!


食完野又行左一陣沙灘,呢間餐廳真係好靚,下次黎一定會試~~~~

咁又過左一日,好Relax~~~~